![](https://panorama.am/news_images/936/2807855_1/capture6547.thumb.jpg)
Կառավարությունը 2.8 մլրդ դրամ հատկացրեց շինարարական ընկերությունների պարտքերը փակելու, տեխնիկական և հեղինակային հսկողության համար
«Ունենք 5 օբյեկտ, որոնք ավարտվել են նախորդ տարի, և, որպես կանոն, մենք այդ ընդհանուր գումարի 5 %-ը պահում ենք: Հանձնաժողովը վերջնական ստուգումներն իրականացնում է, օբյեկտը վերցնում ենք շահագործման, նոր 5 %-ը վճարում ենք: 5 օբյեկտի համար 5 %-ները վճարելու նպատակով ընդհանուր 210 մլն դրամ այս նախագծով կվճարենք»,-կառավարության նիստում հայտնեց ՏԿԵ նախարար Գնել Սանոսյանը՝ զեկուցելով ՀՀ բյուջեից նախարարությանը հերթական հատկացման մասին որոշման նախագիծը:
Որոշմամբ նախարարությանը հատկացվեց 2 մլրդ 865 մլն դրամ՝ շինարարական նախագծերի և աշխատանքների շարունակման համար:
Նախարարի խոսքով կֆինանսավորվի նաև 6 օբյեկտ, որոնցից 2-ի շինարարությունը նախորդ տարի է սկսվել, բայց չի ավարտվել:
Վստահեցնելով, որ դրանք ավարտին կհասցվեն ընթացիկ տարում՝ Գնել Սանոսյանն ասաց. «Այդ երկու օբյեկտի համար գումար ենք տրամադրում, ընդ որում՝ չկատարած մասի համար ենք տրամադրում: Եվ ընկերությունների համար կիրառվելու են նաև տույժեր, քանի որ 2022 թվականին պետք է ավարտեին և չեն ավարտել»:
Նրա խոսքով՝ 2 մլրդ 865 մլնից 2 մլրդ 813 մլն-ը շինարարության կամ 5 %-ները վճարելու համար է, 23 մլն-ը՝ տեխնիկական հսկողության, 29 մլն-ը՝ հեղինակային հսկողության:
Ավանդույթի համաձայն՝ Նիկոլ Փաշինյանը թվարկեց բոլոր ճանապարահատվածները և աշխատանքները որոնք կատարվել են, կամ ընթացքի մեջ են:
Հարակից հրապարակումներ`
- Ուսուցչի մրցույթին մասնակցելու համար աշխատանքային փորձի պահանջ չկա. Ժաննա Անդրեասյան
- Փաշինյանն անհետաձգելի համարեց Արցախում ցեղասպանությունների կանխարգելման միջազգային մեխանիզմների գործարկումը
- Ադրբեջանի պետական և մերձպետական քարոզչությունը ԼՂ-ի նկատմամբ լայնածավալ հարձակման լրատվական ֆոն է ստեղծում. Փաշինյան
- Կառավարությունը ոստիկանների աշխատավարձերի բարձրացման երկրորդ փուլին է անցնում՝ ատեստացիաների մեխանիզմով
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան