Ձեր վստահելի աղբյուրը

Փաստաբան Լուսինե Վիրաբյանը գրում է․

«Ֆեյսբուքյան պատս դարձել է բողոքի գիրք, բայց ինչևէ.

Հիշո՞ւմ եք, թե դատավոր Աննա Փիլոսյանի լիազորություններն ինչի՞ համար դադարեցվեց։
Այսօր իմացա, որ  Փիլոսյանի վարույթի  գործս հունվարի 27-ին մակագրվել  է .... Սիմիզար  Հովսեփյանին։ Նույն Սիմիզար Հովսեփյանին,  ում  վերաբերյալ փետրվարի 23-ին ԲԴԽ-ն դատավորի պաշտոնը  դադարեցնելու որոշում կայացրեց։ 

Ի դեպ` վերոնշյալ որոշումը բնականաբար  կանխատեսելի էր (դատավորը պատահակալ չէր հասել կենսաթոշակային տարիքի) և ընդամենը կարելի էր դատական գործերի բաշխման ցանկից նախապես հանել այն դատավորների անուն- ազգանունները, ովքեր մոտենում են կենսաթոշակային տարիքի։

Բայց, քանի որ չի արվել, մնում է 2 վարկած.
1). Հույս են ունեցել, որ դատավորը 1 ամսում ռեակտիվ կարգով կհասցնի իրականացնել գործի ամբողջական քննություն` ընդհուպ` վճիռ կկայացնի, և քաղաքացիների ողջամիտ ժամկետում արդար դատաքննության  իրավունքը չի խախտվի։

2). Համոզված են, որ վարկած 1-ը ողջամիտ չէ, բայց դիտավորյալ թույլ են տվել անփութություն, քանի որ դա քիչ է հետաքրքրում դատական համակարգին, ու եթե պետք լինի` 3, 4... անգամներ թող իրականացվի  մակագրումների իմիտացիա, քաղաքացին էլ թող անորոշ ժամկետով հույսը կտրի արդարադատությունից։

Նշեմ, որ ես ունեմ ներքին համոզմունք վարկած 2-ի վերաբերյալ, ու ավանդույթի համաձայն սպասում եմ հրապարակմանս վերաբերյալ հերքմանը։
Եվ վերջում հարց.

Եթե ինքներդ ժամկետներ էիք խախտելու, բա դատավորի լիազորությունները ի՞նչու դադարեցրեցիք»։