Ձեր վստահելի աղբյուրը

«Ծրագրի շրջանակներում նախատեսվում է ներկրել 150 «Ժոնք Տոնգ Բաս» Եվրո-5  բնապահպանական ստանդարտի ավտոբուս»,-գործադիրի նիստում հայտնեց Էկոնոմիկայի նախարար Վահան Քերոբյանը՝ զեկուցելով Գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և  նյութերի նկատմամբ սակագնային, մասնավորապես, ներմուծման մաքսատուրքից ազատելու արտոնությունից օգտվելու համար «Երևանի ավտոբուս» փակ բաժնետիրական ընկերության կողմից ներկայացված հայտը բավարարելու և արտոնությունը կիրառելու մասին նախագիծը:

Նախարարի խոսքով՝ դրանք կապահովեն երևանի կլիմայական և ռելևֆային պայմաններում արդյունավետ շահագործում, իսկ եվր-5 շարժիջները կնպաստեն մայրաքաղաքի  էկոլոգիական վիճակի բարելավմանը:

«Ծրագրի շրջանակներում նախատեսվում է ներմուծել 6.6 մլրդ դրամի ավտոբուսներ և դրանց պահեստամասեր, ստեղծել 492 նոր աշխատատեղ՝ մինչև 317 հազար դրամ միջին ամսական աշխատավարձով»,-հայտնեց Քերոբյանը և տեղեկացրեց, որ նախագծով առաջարկվում է բավարարաել «Երևանի ավտոբուս» ԲԲԸ-ին 660 միլին դրամի մաքսատուրքից  ազատելու արտոնության դիմումը:

Երևանի փոխքաղաքապետ Տիգրան Ավինյանը հայտնեց, որ Եվրոպական արտադրության 87 ՄԱՆ ավտոբուսները և մաքսային արտոնության սպասոց 150 «Ժոնգ Տոնգ» ավտոբուսներն արդեն երևանում են և հաջորդ շաբաթ ՄԱՆ ավտոբուսների վերաբերյալ են արտոնություն ստանալու նախագիծ ներկեյացնելու:

«Ճի՞շտ եմ հասակնում, որ երբ ավտոբուսների նոր խմբաքանակը մտավ երթուղի, այսպես կոչված «հուսահատության ԳԱԶել-ներ» այլևս Երևանում չենք ունենալու»,-Տիգրան Ավինյանին հարցրեց Փաշինյանը՝ տեղեկացնելով որ քաղաքացուց նամակ է ստացել որով առաջարկվում է Երևանում«հուսահատության ԳԱԶել-ի» ր ՆԻՎԱ-ի արձաններ կանգնեցնել: 

Ավինյանը վստահեցրեց, որ ԳԱԶել-ներ լինելու են, բայց ոչ «հուսահայտության»: