![](https://panorama.am/news_images/937/2808549_1/756077587088233.thumb.jpg)
ԱՄՆ Կոնգրեսը Թրամփին մեղադրել է հարյուրավոր թանկարժեք նվերներ թաքցնելու մեջ
ԱՄՆ նախկին նախագահ Դոնալդ Թրամփն ու նրա ընտանիքը չեն զեկուցել այն հարյուր նվերների մասին, որոնք նա ստացել է օտարերկրյա կառավարություններից պաշտոնավարելու ընթացքում, այդ թվում ՝ թուրեր Սաուդյան Արաբիայից, գոլֆի համար ոսկյա մահակներ Ճապոնիայից և դիմանկար Սալվադորից, պնդում են Ներկայացուցիչների պալատի վերահսկողության հանձնաժողովի դեմոկրատները:
«Նախկին նախագահն ու նրա ընտանիքը չեն զեկուցել օտարերկրացիներից ավելի քան հարյուր նվերների մասին, այդ թվում՝ Ճապոնիայի վարչապետի կողմից ստացված ոսկե գոլֆի մահակները, Սաուդյան Արաբիայի թագաժառանգից՝ թուրերն ու դաշույնները և դիմանկար Սալվադորի նախագահից», - «Ռիա Նովոստի»-ի փոխանցմամբ, այս մասին ասվում է հրապարակված հաղորդագրության մեջ:
Դեմոկրատները պնդում են, որ Թրամփը հաճախ ընդունում էր ավելի թանկ նվերներ, քան ամերիկյան օրենքներով սահմանված նորմատիվը, չէր հայտնում այդ մասին և, ի վերջո, յուրացնում էր այն իրերը, որոնք, ըստ կանոնների, պետք է փոխանցվեին պետությանը:
Ինչպես ասվում է հաղորդագրության մեջ, Սաուդյան Արաբիայից թուրերն արժեցել են գրեթե 9 հազար դոլար, Ճապոնիայի վարչապետի գոլֆի մահակները գնահատվել են գրեթե 4000 դոլար, Հնդկաստանից Թրամփը 8,5 հազար դոլար արժողությամբ ծաղկաման է ստացել: Նշվում է, որ չհաշվառված նվերներն ընդհանուր առմամբ գնահատվել են մոտ 250 հազար դոլար։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան