Ձեր վստահելի աղբյուրը

Փաստաբան Նորայր Նորիկյանը գրում է.

««՛Երևան քաղաքում տեղական ինքնակառավարման մասին՛՛ ՀՀ օրենքի 17-րդ, ինչպես նաև ՛՛Ընտրական օրենսգիրք՛՛ Սահմանադրական օրենքի 127-րդ և 128-րդ հոդվածների հպանցիկ վերլուծությունն այս պահին հնարավորություն է տալիս արձանագրել, որ, ըստ ամենայնի, Երևանի ավագանու ընտրությունները կլինեն ոչ թե արտահերթ, այլ հերթական։

Որպեսզի կառավարությունը նշանակի ավագանու արտահերթ ընտրություններ, առաջին հերթին նա պետք է կրճատի Ավագանու լիազորությունների ժամկետը։

Իսկ ժամկետը կրճատելու համար անհրաժեշտ է, որ
1) հերթական նստաշրջանի ընթացքում ավագանու նիստերը երեք ամսից ավելի չեն գումարվում.
2) հերթական նստաշրջանի ընթացքում ավագանին երեք ամսից ավելի իր քննարկած հարցերի վերաբերյալ որևէ որոշում չի կայացնում.

3) ավագանին հերթական նստաշրջանի երեք ամսվա ընթացքում քաղաքապետի ներկայացրած արտահերթ քննարկման ենթակա նախագծի վերաբերյալ որոշում չի կայացնում։

Եթե այս պահից հաշվենք նշված երեք ամիսը, կստացվի, որ այսպիսի որոշում կառավարությունը կարող է կայացնել միայն ս․թ․ հունիսի 17-ից ոչ շուտ, իսկ արտահերթ ընտրությունները նշանակվում են  ավագանու լիազորությունների ժամկետը կրճատելուց հետո ոչ շուտ, քան 30, և ոչ ուշ, քան 40 օրվա ընթացքում:

Այլ կերպ ասած, հուլիսի շոգերին ոչ ոք ընտրության չի գնա»։