Ձեր վստահելի աղբյուրը

«Նիկոլ Փաշինյանը վերջին ասուլիսում ասաց՝ նույնիսկ ռազմավարական դաշնակցի հետ հարաբերությունները փչացնելու գնով փորձեցի արևմուտքի հետ աշխատել, բայց բրյուսելյան ֆորմատն էլ, ըստ էության, արդյունք չի տալի, քանի որ նույնիսկ եթե փաստաթուղթը ստորագրենք, որևէ մեկը երաշխիք չի տալիս, որ կունենանք խաղաղություն»,-ասաց քաղտեխնոլոգ Վիգեն Հակոբյանը, որը մասնակցում է Այլընտրանքային նախագծեր խմբի կազմակերպած «Հայաստանի անվտանգության փլուզված համակարգը» թեմայով քննարկմանը։

Բանախոսը հենց սա է համարում Փաշինյանի վերջին ասուլիսի գլխավոր ուղերձը, ինչը հնչեցնելու համար էլ հրավիրել էր լրագրողների հետ հանդիպում։

«Հիմա էսկալացիա է, ես համոզված եմ, որ խաղաղության համաձայնագրի նախագիծը կա, Պրահայում դրա շրջանակայինն է եղել, բայց քանի որ դրան ոչ ոք գարանտ չի կանգնում, այն չի կարող կյանքի կոչվել։ Փորձեցին խաղից հանել ռուսներին, բայց որևէ մեկը չի ցանկանում երաշխավոր կանգնի խաղաղության պայմանագրի դրույթներին»,-ասաց նա։

Քաղտեխնլոգի համոզմամբ, հիմա մարդկանց մուզում են ադապտացնել այն մտքին, որ Ադրբեջանն այս կամ այն կերպ փորձելու է հասնել իր նպատակին, եթե ոչ փաստաթուղթ ստորագրելով, ապա ուժի կիրառմամբ։
Անդրադառնալով երեկ Միրզոյան-Լավրով համատեղ ասուլիսում հնչած հայտարարություններին՝ Հակոբյանը նկատեց, Լավրովն ըստ էության հայտարարեց, դեմ չեն փաշինյանական թեզին, որ Արցախն ու Ադրբեջանը պետք է իրար հետ բանակցեն։

«Նա հիշեցրեց, որ նույն մոդելով երկու օրինակ գոյություն ունի, Դոնբասի ու Կոսովոյի շուրջ գործընթացները։ Բայց Ադրբեջանը չի ուզում խոսել Արցախի ինքնավարության մասին։ Ի դեպ, կարծում եմ, որ Լավրովի խոսքում կար ակնարկ, որ այնուամենայնիվ դա չի ստացվելու կամ չեն թողելու ստացվի աշխարհքաղաքական կենտրոնը, ակնարկեց, որ մեկ է՝ վերադառնալու եք ռուսական մոդելին՝ հետաձգելով կարգավիճակի շուրջ հարցը»,-նշեց նա։

Մանրամասները՝ տեսանյութում։