Ձեր վստահելի աղբյուրը

«Այս մարդկանց համար մարդկային մահը ոչ թե ողբերգություն է, այլ ստալինյան հայտնի տրամաբանության համաձայն՝ ընդամենը վիճակագրություն»,-  «Հայաստանի անվտանգության փլուզված համակարգը» թեմայով քննարմանն ասաց «Հայրենիք» կուսակցության խոսնակ Սոս Հակոբյանը՝ պատասխանելով հարցին, թե իշխանությունների անլուրջ մոտեցումը բանակին, սահմանային կուտակումներին ինչի է բերելու

Նրա խոսքով՝ երբ տեսնում են, որ սահմանին նկատվում է ադրբեջանական զինուժի կուտակումներ, իշխանությունները հերքում են, մինչդեռ դրան հաջորդում են տարբեր երկրներից զգուշացումներ։

Սոս Հակոբյանի խոսքով՝ ցանկացած գործողություն պետք է դիտարկել, թե արդյոք այդ քայլն օգնե՞ց քո երկրի անվտանգությանը, թե՞ վնասեց:

«Օրինակ, ՀԱՊԿ տեղակալի քարտուղարին երբ հետ ենք կանչում, դա օգնե՞ց, թե՞ վնասեց: Ի վերջո, երբ խոսում ենք «Խաղաղության պայմանագրից», հարց է առաջանում՝ ո՞րն է լինելու կյանքը դրա ստորագրումից հետո: Կամ ավելի պարզ, ի՞նչ է գրված այդ «Խաղաղության պայմանագրում»  վերջապես»,- ասաց  նա։

Նրա խոսքով՝  նպատակը պետք է լինի ոչ թե որևէ պայմանագրի ստորագրելը, այլ դրա միջոցով տանելի կենսական պայմաններ ստեղծելը, որ վաղն ունենանք հնարավորություն մեր պետության հզորությունը, սուվերենությունը վերականգնելու համար։

Մանրամասները՝ տեսանյութում։