Ձեր վստահելի աղբյուրը

«Բոլորն ընդունում են խախտման փաստի արձանագրութոյւնը, այլ բան է, որ քաղաքական մեծամասնությունը տարբեր ձևակերպումներով՝ «անփութություն», «ժամանակին չհետևել», «տեխնիկական պատճառ» է որակում այն, բայց չի կարելի օրինականությունը ոտնատակ տալ, այն երկակի ստանդարտի կիրառում է նշանակում»,-ՍԴ դատավոր Սեդա Սաֆարյանին բարձրագույն դատական ատյանի դատավորի լիազորությունից զրկելու միջնորդության քննարկումն ամփոփեց «Հայաստան» խմբակցության քարտուղար Արծվիկ Մինասյանը:

Նա հայտնեց, որ եթե դատավոր Գագիկ Խանդանյանի նկատմամբ մեկ օրով ձոռնարկատիրական գործունեությամբ զբաղվելու համար կիրառվել է օրենքի պահանջը և դադարեցվել է լիազորությունները, ապա 12 օրվա նման խախտման համար նույն նորմը պետք է կիրառվի նաև Սեդա Սաֆարյանի նկատմամբ:

«Չի կարելի, այն պատճառով՝ այնքանով, որքանով Սեդա Սաֆարյանը ձեր սիրելին է, չկիրառվի օրենքի պահանջը, այն հենց նշանակում է օրենքը ծառայեցնել անձին, այլ ոչ թե հանրությանը և հասարակական շահին…

Մենք ներկայացրել ենք այս որոշման նախագիծը՝ ունենալով մեկ նպատակ՝ երկրում ապահովել օրինականությունը, մասնակցել և նպաստել օրինականության հաստատմանը,  մնացածը՝ ձեր խղճին ու համոզմունքներին և մեր ընտրողների գնահատականներին»,-ամփոփեց Մինասյանը:

ԱԺ Հաշվիչ հանձնախմբի նախագահ Նարեկ Բաբայանը հայտարարեց, որ Սահմանադրական դատարանի դատավոր Սեդա Սաֆարյանի լիազորությունները դադարեցնելու հարցով ՍԴ դիմելու մասին որոշման նախագծին փակ, գաղտնի քվերակությամբ պատգամավորների ընդհանուր թվի 3/5 կողմ ձայների դեպքում միայն  կընդունվի և հավելեց, որ իր ելույթից րոպեներ անց 30 րոպեի ընթացքում միջանցքում կազմակերպվելու է  քվեարկությունը: