![](https://panorama.am/news_images/937/2810923_1/f641c358caedbb_641c358caedfc.thumb.png)
Ֆրանսիայում ցուցարարները փակել են «Շառլ դը Գոլ» օդանավակայան տանող ճանապարհը
Փարիզի մերձակայքում գտնվող Ֆրանսիայի խոշորագույն «Շառլ դը Գոլ» օդանավակայանի աշխատակիցներն այսօր՝ մարտի 23-ին բողոքի ցույց են անցկացրել կենսաթոշակային բարեփոխումների դեմ, գրում է «Ռիա Նովոստի»-ին՝ հղում անելով BFMTV-ին։
Առավոտյան կենսաթոշակային բարեփոխմանը դեմ քաղաքացիներն արգելափակել են մի քանի տերմինալների մուտքը։ Ցուցարարները վանկարկում են «Մակրոն, հեռացիր»։
Հաղորդվում է, որ օդանավակայանի մուտքի մոտ խցանում է առաջացել, ճանապարհորդները ստիպված դուրս են գալիս ավտոմեքենաներից և ոտքով հասնում օդանավակայան:
Հինգշաբթի ամբողջ Ֆրանսիայում տեղի է ունենում իններորդ համազգային գործադուլը՝ ընդդեմ կենսաթոշակային բարեփոխումների։ Ինչպես և սպասվում էր, դա կհանգեցնի երկրում տրանսպորտի աշխատանքի լուրջ խափանումների։
Լրահոս
Տեսանյութեր
![Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան](https://panorama.am/video_images/18/53906_1/3_thumb_v1_thumb_v1_thumb_v1_thumb.thumb.jpg)
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան