Այգիներին, ծառերին վերաբերող նոր նախագծերը հանրային հարթակներում քննարկման են դրվելու. Տիգրան Ավինյան

Հասարակություն 11:05 27/03/2023 Հայաստան

Այգիներին, ծառերին վերաբերող նոր նախագծերը հանրային հարթակներում քննարկման են դրվելու. Տիգրան Ավինյան

«Երևանի փոխքաղաքապետերի հետ աշխատանքի որոշակի բաժանում ենք արել, ըստ այդմ՝ գործակարգավարական նիստերը հիմնականում կվարեմ ես»,-Երևանի քաղաքապետարանի գործակարգավարական նիստի մեկնարկին հայտարարեց փոխքաղաքապետ Տիգրան Ավինյանը:

Նա հավաստիացրեց, որ 2022 թվականից «Մալբրի» կառավարման էլէկտրոնային համակարգի ներդրմամբ աշխատանքներն էականորեն բարելավվել են և հաջորդ փուլում ներդրվելու է ծրագրերի ներդրման ճկուն համակարգ, որը թույլ կտա ենթաբաժիններով և ժամկետներով հետևել ծրագրերի կատարմանը, որի պատասխանատուն լինելու է փոխքաղաքապետ Ստեփան Մաչյանը:

Ավինյանի հորդորով Մաչյանը պարզաբանեց, որ խոսքը գնում է ծրագրերի համակարգման էլեկտրոնային թվային համակարգի ներդրման մասին, որը հնարարվորություն կտա հստակ սահմանել աշխատանքների ցանկը, ժամանակացույցը, պատասխանատուներին և , ինչը թույլ կտա ամբողջությամբ հետևել ծրագրերի իրականացման ընթացքին:

«Եվս մի նորամուծություն՝ նոր նախագծերը հանրային հարթակներում քննարկման են դրվելու, դրանք հիմնականում այն նախագծերն են, որոնք վերաբերում են այգիներին, ծառերին»,-հայտարարեց Տիգրան Ավինյանը:

Փոխքաղաքապետ Սուրեն Գրիգորյանը նշեց, որ ժամանակին այդ նպատակով եղել է «Ակտիվ քաղաքացի» նախագիծը, որը երկար ժամանակ է չի գործում և հաջորդ գործակարգավարական խորհրդակցության ընթացքում կներկայացնի նախագիծ այն վերագործարկելու համար:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: