Ձեր վստահելի աղբյուրը

«ՀԷՑ-ի նոր բաժանորդների՝ ցանցին միացման վճարների թանկացում է տեղի ունեցել 2023 թվականի ապրիլի 1-ից»,-կառավարության դիմաց տված ճեպազրույցում հայտնեց  Հանրային ծառայությունները կարգավորող հանձնաժողովի նախագահ Գարեգին Բաղրամյանը:

Նա հիշեցրել է, որ 2008 թվականից միացման վճարները նույն են եղել, ինչը վերանայվել է նախորդ տարի և դրանք միջինը 2-3 անգամ բարձրանում են՝ ըստ սահմանված սանդղակի:

Ներկայացնելով փոփոխության սկզբունքը՝ Գարեգին Բաղրամյանը հատնեց, որ նոր միացող բաժանորդները պետք է խնդիրներ չստեղծեն արդեն գործող բաժանորդների համար և նրանց ֆինանսական բեռը չավելացնեն:

«2008 թվականին հարաբերությունը եղել է այսպես, որ իր միացման վրա ծախսվող գումարի 50 %-ը բաժանորդն է փոխհատուցում, մնացած 50 %-ը ՀԷՑ-ը կատարում է ներդրումային ծրագրից, մնացած բոլոր բաժանորդներն այդ ներդրումային ծրագիրը փոխհատուցում են: Այսօր իրավիճակը փոխվել էր ու դարձել էր, որ նոր միացող բաժանորդն ընդամենը 10 %-ն էր փոխհատոցում, իսկ ներդրումները 90 %-ը գործող բաժանորդներն էին փոխհատուցում: Հիմա բալանս է վերականգնվել»,-հայտնեց Գարեգին Բաղրամյան: