![](https://panorama.am/news_images/939/2815175_1/image_2023_04_01_170106834_v1.thumb.jpg)
740 հազար դրամը գողացել էր նույն ընկերության աշխատակիցը
Մարտի 31-ին ՆԳՆ ոստիկանության Արագածոտնի մարզի օպերատիվ կառավարման կենտրոն զանգած քաղաքացին հայտնել էր, Ուջան գյուղի 5-րդ փողոցի 1-ին նրբանցքի տներից մեկի բակում կայանված «Միցուբիշիի» դուռը բաց լինելու հանգամանքից օգտվելով՝ սրահից գողացել են 740 000 դրամ:
Ոստիկանությունից հայտնում են՝ «Միցուբիշի» պատկանում էր ՍՊ ընկերություններից մեկին:
Ոստիկանության Աշտարակի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում Ուջան գյուղում հայտնաբերել, նշված գողությունը կատարելու կասկածանքով ձերբակալել և բաժին են տարել Երևանի 31-ամյա մի բնակչի, ով նույն ՍՊԸ-ի աշխատակից է: Անձնական խուզարկությամբ նրա բաճկոնի աստառի միջից հայտնաբերվել է 740 000 դրամը:
Դեպքի առթիվ Արագածոտնի մարզային քննչական վարչությունում նախաձեռնվել է քրեական վարույթ:
31-ամյա երիտասարդը ձերբակալվել է:
`
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան