![](https://panorama.am/news_images/939/2815754_1/73a5fbe3_7276_815c_b817_70a5bd5b33f4.thumb.jpg)
Բաքվից հայտնում են, որ ադրբեջանական բանակն Արցախում երկու գյուղ է վերցրել վերահսկողության ներքո
Ադրբեջանական ԶԼՄ-նեը հայտնում են, որ Արցախում ադրբեջանական բանակը վերահկսոցության ներքո է վերցրել բարձունքների ու Շուշիի շրջանի երկու գյուղի նկատմամբ։ «Ինտերֆաքս Ադրբեջանի» հրապարակած տեղեկությունների համաձայն, սա եղել է մարտի 25-ին ադրբեջանական բանակի գործողությունների հետևանքով։ Ադրբեջանական ԶԼՄ-ներում նաև տեսանյութեր են շրջանառվում։
Հիշեցնենք, պաշտոնական Ստեփանակերտը հայտնել էր, որ մարտի 25-ին ադրբեջանական զինուժը Շուշի-Լիսագոր հատվածում խախտել է արցախա-ադրբեջանական շփման գիծը և որոշակի դիրքային առաջխաղացում ապահովել Արցախի Հանրապետության տարածքում: Արցախի իշխանությունները հերթական կոպիտ խախտման մասին անմիջապես տեղեկացրել են ՌԴ խաղաղապահ զորակազմի հրամանատարությանը։
Շուշի-Լիսագոր հատվածում՝ Ստեփանակերտ-Ղայբալիշեն-Լիսագոր ճանապարհին հարակից բարձունքներից մեկին ադրբեջանական զինված ուժերի դիրքային առաջխաղացումից հետո ռուս խաղաղապահները դիրքավորվել են տվյալ բարձունքին և վերահսկում են այն:
Նրանք միևնույն ժամանակ բանակցություններ են սկսել ադրբեջանական կողմի հետ՝ ապահովելու համար նրանց վերադարձը ելման դիրք: Դրան զուգահեռ Արցախի Պաշտպանության բանակի ստորաբաժանումները ձեռնարկել են համապատասխան քայլեր՝ կանխելու ադրբեջանական հնարավոր հետագա սադրանքները և, անհրաժեշտության դեպքում, ապահովելու տվյալ լեռնային ճանապարհի անվտանգ կիրառումը:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան