Ձեր վստահելի աղբյուրը

Կանադահայ Կարեն Մկրտչյանը, որ երեկ Կասկադում Ալեն Սիմոնյանին հրապարակավ անվանել էր դավաճան, վերջինն էլ թքել էր քաղաքացու աչքին, ֆեյսբուքյան իր էջում արձագանքել է իր անվան շուրջ պտտվող լուրերին՝ դրանք որակելով կեղծ։

Նա գրում է.

«Մի հատ fake news կայք կա նշել է, որ իրենց «տեղեկություններով», ես «2018թ. հետո հաճախ [եմ] եղել կառավարությունում, պետական համակարգում աշխատանքի անցնելու ակնկալիքով»։

Այո, ես եղել եմ կառավարական շենքերում, բացառապես քննարկելու կառավարության կողմից իսկ առաջադրված խոշոր ներդրումային ծրագիր: Նաև եղել եմ այնտեղ, Քաղավիացիայի Կոմիտէին որոշ վերլուծություններում իմ (անվճար) մասնագիտական նպաստը բերելու համար (այդ հանդիպումների մասնակիցները կարող են վկայել այս մասով):

Ի դեպ, ինձ նաև առաջարկ է եղել բավականին լուրջ պաշտոնի, որը, սակայն ես մերժել եմ որովհետև որոշել էի կենտրոնանալ մասնավոր սեկտորի իմ գործունեության վրա: Հարկ եղած պարագային այս բոլորը կապացուցեմ հստակ անուններով ազգանուններով»։