Ձեր վստահելի աղբյուրը

«Ապրիլի 12-ից 15-ը նախատեսվում է փոքր դասի ավտովբուսներով շահագործել թիվ 67  երթուղին, որը կկապի Շենգավիթ և Մալաթիա Սեբաստիա վարչական շրջաները»,-Երևանի քաղաքապետարանի գործակարգավարական խորհրդակցության ժամանակ  զեկուցեց Տրանսպորտի վարչության պետ Հայկ Սարգսյանը և հավելեց, որ երթուղու սկիզբը Ներքին Չարբախը կլինի, իսկ վերջնակետը՝ «Աստղիկ» նժշկական կենտրոնը:

Վարչության պետի խոսքով՝ թիվ 40 երթուղին իրար կկապի Նոր Նորք, Քանաքեռ Զեյթուն և Արաբկիր վարչական շրջանները:

«Թիվ 1 հիմնական երթուղին 18 հատ բարձ դասի 12 մետրանոց ավտոբուսներով իրակ կկապի Աջափնյակ, Կենտրոն, Արաբկիր, Քանաքեռ Զեյթուն վարչական շրջանները»,-հայտնեց Սարգսյանը և հավելեց. «Թիվ 58 երթուղին կսպասարկվի Ժոնգ Թոնգ ավտոբուսնեով, որի երթուղին կանցնի նաև գեներալ Նվեր Սաֆարյանի փողոցով՝ Ավան Առինջը կապելով Ավան, Կենտրոն, Էրեբունի վարչական շրջաններին»:

Հայկ Սարգսյանը տեղեկացրեց, որ թիվ 97 երթուղին էլ կհամալրվի 4 նոր շարժակազմով և վերջնակետը կերկարացվի մինչև Նուբարաշեն վարչական շրջան, կհամալրվի նաև թիվ 22 երթուղու շարժակազմը և Սիլիկյան թաղամասում իր մեջ ներառի 5-րդ, 12-րդ և 4-րդ փողոցները:

Տրանսպորտի վարչության պետը հայտնեց, որ թիվ 38 երթուղու փոքր դասի ավտոբուսները  կփոխարինվեն միջին դասի ավտոբուսներով և հավելեց, որ մինչև ապրիլի 15-ն ըստ նախատեսվածի շահագործման կհանձնվեն նոր ներկրված ավտոբուսներից շուրջ 40-ը, իսկ մայիսից նոր ավտոբուսներով կհամալրվեն թիվ 18 երթուղին, թիվ 13  միկրոավտոբուային երթուղին կրկին կփոխարինվի Ժոնգ Թոնգ ավտոբուսներով,  թիվ 47 երթուղին՝ 14 ավտոբուսով, թիվ 9-ը հիմնական երթուղին կսպասարկեն  18 բարձր դասի ավտոբուսներ:

Նրա խոսքով՝ թիվ 53 և թիվ 54 երթուղիենրը նույնպես կփոխարինվեն Ժոնգ Թոնգ մակնիշի ավտոբուսներով, իսկ Սարի Թաղի թիվ 21 երթուղու «Պազիկների» փոխարեն կմտցվեն փոքր դասի ավտոբուսներ:

«Մայիսի սկզբից նախատեսվում է շահագործամ հանձնել ևս 110 ավտոբուս, մնացածը կշահագործվի հունիս ամսից»,-հայտնեց Սարգսյանը և ուշացումը բացատրեց կանգառների շինարարությամբ և համապատասխան որակավորման վարորդների ընտրությամբ: