Ձեր վստահելի աղբյուրը

«ԼՂ-ի գազամատակարարումը և էլեկտրաէներգիայի մատակարարումը շարունակում են մնալ դադարեցված: Նախորդ օրը տեղի է ունեցել հերթական աղաղակող միջադեպը»,-կառավարության այսօրվա նիստի մեկնարկին հայտարարեց Նիկոլ Փաշինյանը:

Նա տեղեկացրեց, որ Գորիսից Ստեփանակերտ մեկնող Արցախի քաղաքացիներին թույլ չի տրվել վերադառնալ իրենց տները:

«Այս փաստագրված իրողությունն ի ցույց է դնում նախկինում մեր հնչեցրած գնահատականները, և դրանք առավել սրվում են Արդարադատության միջազգային դատարանի 2023 թվականի փերվարի 22-ին կայացրած որոշման ֆոնին, համաձայն որի՝ Ադրբեջանը պետք է ձեռնարկի բոլոր գործողությունները Լաչինի միջանցքի գործունեությունը լիարժեք վերականգնելու համար»,-ասաց ՀՀ գործադիր մարմնի ղեկավարը:

Հայտնելով, որ վերջին դեպքը կրկին արձանագրեց, որ միջազգային դատարանի վճիռը չի կատարվում՝ Փաշինյանը  հայտարարեց, որ հայկական կողմը պետք է շարունակի դրանցի բխող միջազգային դիվանանգիտական ջանքերը:

Նա հիշեցրեց, որ կառավարության նախորդ նիստում հայտնել էր, որ միջանցքի փոփոխույան հետևանքով Հայաստան-Ադրբեջան պետական սահմանի 12 կմ հատվածի պահպանությունը պետք է ստանձնեն ՀՀ սահմանապահ զորքերը:

«Պատճառն այն է որ սահմանի նշված հատվածի անմիջական պահպանություն չէր իրականացվում ո՛չ Հայաստանի, ո՛չ Ադրբեջանի կողմից՝ նախորդ տարի ձեռք բերված պայմանվորվածության համաձայն Լաչինի միջանցքի ժամանակավոր երթուղին ապահովելու համար: Սահմանի անմիջական պահպանության ստանձնման ժամանակ, իչպես հայտնի է, որոշակի խնդիրներ են առաջացել, ինչի մասին տեղեկացրել էր ԱԱԾ-ն՝ ընդգծելով, որ երկու կողմերի տեղակայման ընթացքում ի հայտ են եկել քարտեզների տարընթերցումներ:

Որոշ տեղերում, ըստ հայկական կողմի մեր գնահատականի, ադրբեջանական կողմը դիրքավորվել էր և ինժեներական աշխատանքներ էր իրականացնում սահմանից 100-300 մետր առաջ՝ Հայաստանի տարածքում: Դրանից հետո պայմանավորվածություններ էր ձեռք բերվել, որ երկու կողմերի քարտեզագրերը ճշգրտեն իրավիճակը: Այս ընթացքում սահմանապահների տեղակայման կետի ճշգրտման ուղղությամբ աշխատաքներ են տարվել և իրավիճակը որոշակիորեն բարելավվել է: Մասնավորպխես՝ 12 կմ-ից 7 կմ-ում տեղակայման կետերն հստակեցված են 5 կմ-ի վերաբերյալ աշխատանքները շարունակվում են: Մեր տրամադրվածությունը եղել է և շարունակում է մնալ իրավիճակի էսկալացիայից խուսափելը, հույս ունեմ, որ տեղակայման կետերի ճշգրտման աշխատանքները կիրակակնացվեն կառուցողական մթնոլորտում, համենայն դեպս՝ սա է մեր տրամադրվածությունը:

Համաշխարհային այս անկայուն և անորոշ միջավայրում մեզ հարկավոր են ամուր նյարդեր և զսպվածություն տարածաշրջանային իրավիճակը պայթեցնելու հարցում շահագրգիռ ուժերին տուրք չտալու համար»,-հայտարարեց Փաշինյանը և հավելեց, որ «անհոգնել» վերահաստատում է հայկական կողմի հավատարմությունը խաղաղության օրակարգին: