Ձեր վստահելի աղբյուրը

Հնդկաստանի նախագահ Դրաուպադի Մուրմուն շաբաթ օրը Ասամում գտնվող Թեզպուր ավիաբազայից թռել է Սու-30 կործանիչով: Թռիչքի մասին հայտնել են նախագահի քարտուղարությունից, որին անդրադարձել է «ՌԻԱ նովոստի»-ն:

Նախագահը, որը Հնդկաստանի զինված ուժերի գերագույն հրամանատարն է համարվում, նախքան ռազմաօդային ուժերի բազա վերադառնալը, մոտ 30 րոպե թռել և ուսումնասիրել է Բրահմապուտրան և Թեզպուր հովիտը, որոնք նայում են Հիմալայներին:

Նախագահ Մուրմուն Հնդկաստանի երրորդ նախագահն է և երկրորդ կին նախագահը, ով կատարել է նման թռիչք: Ինքնաթիռը վարում էր խմբի կապիտան Նավին Կումարը՝ 106-րդ ջոկատի հրամանատարը:

«Ինձ համար ոգևորիչ փորձ էր թռչել Հնդկաստանի ռազմաօդային ուժերի հզոր Су-30 MKI կործանիչով: Հպարտություն է, որ Հնդկաստանի պաշտպանական կարողությունները զգալիորեն ընդլայնվել են և ընդգրկում են բոլոր սահմանները ցամաքում, օդում և ծովում: Շնորհավորում եմ Հնդկաստանի ռազմաօդային ուժերին և ողջ ռազմական թիմին՝ Թեզպուրի ավիաբազային այս թռիչքի կազմակերպման կապակցությամբ»,-գրել է Մուրմուն թռիչքից հետո։

Су-30 MKI կործանիչն արտադրվում է Հնդկաստանում ռուսական լիցենզիայով Hindustan Aeronautics Limited-ի կողմից։ Հնդկաստանի ռազմաօդային ուժերը զինված են մոտ 270 նման օդանավերով, այդ թվում՝ Ռուսաստանից մատակարարվածներով։