Ձեր վստահելի աղբյուրը

Այսօր քաղաքապետարանի՝ մեկ անձից միլիոնավոր դրամներով գնումների վրա ուշադրություն էր  հրավիրել «Ապրելու երկիր» կուսակցության համահիմնադիր Մեսրոպ Առաքելյանը։

Panorama.am-ը հարց ուղղեց Երևանի քաղաքապետարան, թե ինչպե՞ս կմեկնաբանեն Մ. Առաքելյանի հայտարարությունը։ 

«Գրավոր հարցում ուղարկեք»,- ասաց քաղաքապետարանի լրատվության վարչության պետի տեղակալ Տարոն Գևորգյանը։

Հիշեցնենք՝ Մ. Առաքելյանը գրել էր, որ  Երևանի քաղաքապետարանը 20.02.2023թ․ մեկ անձին գնման շրջանակներում պայմանագիր է կնքել «Բեգրաունդ Փրոդաքշն» ՍՊԸ հետ ջազ համերգ կազմակերպելու համար՝ 89.280.000 դրամով, ինչպես նաև մեկ անձից գնումով միջոցառում կազմակերպվել էր նաև գիրք նվիրելու օրը՝ 35.000.000 դրամով։

«Համաձայն «Գնումների մասին» օրենքի՝ այս դեպքում մեկ անձին գնում կարող է կատարվել, եթե ծառայությունը հնարավոր է ձեռք բերել միայն մեկ անձից կամ եթե արտակարգ իրավիճակի առաջացման հետևանքով ծագել է գնման անհետաձգելի պահանջ»,- գրել էր նա ու խայտառակություն որակել։