![](https://panorama.am/news_images/940/2819665_1/capture222222222222214.thumb.jpg)
Փառք Աստծո՝ էլի հայ զինվորի կյանք է փրկվել, բայց փաստացի՝ էլի մեր վրա Ալիևին են բերել. Հայկ Մամիջանյան
«Բանակցային գործընթացի հանրայնացման կարիքը մենք չունենք, այն արել է Նիկոլ Փաշինյանը՝ Կապանի իր ասուլիսի ժամանակ, հստակ ներկայացնելով, թե այդ պահին ինչ բանակցային ժառանգություն է ստացել ինքը և իր խումբը»,-խորհրդարանական հայտարարությունների ժամին ՔՊ-ական Վահագն Ալեքսանյանին արձագանքեց «Պատիվ ունեմ» խմբակցության ղեկավար Հայկ Մամիջանյանը՝ քաղաքացիներին հորդորելով բացեն , նայեն այդ փաստաթղթերը և համոզվեն, թե այն ինչ «երանելի ժառանգություն» էր:
Նա նաև հիշեցրեց, որ դրանից հետո համանախագահները հայտարարություն էին տարածել՝ կոչ անելով չհրապարակել կոնֆիդենցիալ փաստաթղթերը:
«Ի թիվս հազարավար տարբերությունների՝ հենց դա է ձեր և մեր տարբերությունը՝ թե ինչը կարելի է հրապարակել, ինչը՝ ոչ»,-նախկինների և ներկաների տարբերությունը ներկայացրեց Մամիջանյանը:
Ընդդիմադիր պատգամավորը հիշեցրեց, որ Ռուսաստանն էլ հայտարարել է, որ Շուշին երբեք չի եղել բանակցային գործընթացում փոխզիջման առարկա:
Նա ցավով մեջբերեց նաև Ալիևի խոսքերն այն մասին, որ այն ժամանակվա փաստաթղթերով Քելբաջան ու Լաչինը երբեք չէին լինի ադրբեջանական:
«Եկեք հիշենք, թե 2018 թվականին ինչպես է Նիկոլ Փաշինյանը պայմանավորվածության եկել Ադրբեջանի նախագահի հետ, սահմանային լարում չստեղծել, քանի որ ինքը ներքաղաքական խնդիրներ ունի: Փառք Աստծո՝ էլի հայ զինվորի կյանք է փրկվել, բայց փաստացի՝ էլի մեր վրա Ալիևին են բերել»,-հայտարարեց «Պատիվ ունեմ» խմբակցության ղեկավարը:
Նա նաև հիշեցրեց Նիկոլ Փաշինյանի բանավոր հանձնարարականը Սյունիքի հատվածից զորքերի հետ կանչելու մասին, և պնդեց, որ այն հակասում է նոյեմբերի 9-ի եռակողմ հայտարարությանը:
Լրահոս
Տեսանյութեր
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)
![Շողեր Բաբայան. Աշակերտի չափ պետք է կարևորվի նաև ուսուցիչը](https://panorama.am/video_images/17/49813_1/f667eaaf24aa7c_667eaaf24aabc.png)