Ձեր վստահելի աղբյուրը

Արդեն երկու օր է Հայաստանի տարածք մուտք գործած ադրբեջանցի զինծառայողին չի հաջողվում գտնել։ Իսկ մյուս ադրբեջանցուն, ով մտել էր Սիսիանի Բնունիս գյուղ, հենց գյուղի ժողովուրդն է բռնել։ «Պատիվ ունեմ» խմբակցության քարտուղար Տիգրան Աբրահամյանը լրագրողների հետ զրույցում ասել է. «Որևէ հստակություն չկա, թե իրականում քանի հոգանոց խմբի մասին է խոսք գնում, իրականում նրանք ի՞նչ նպատակով են մուտք գործել Հայաստանի տարածք։ Նպատակը՝ հետախուզական տեղեկությունների ձեռք բերո՞ւմն է,  ահաբեկչական գործողությունների կամ դիվերսիայի  իրականացո՞ւմն է, թե՞ որն է»։

Արդյո՞ք նման պայմաններում հայաստանիցներն իրենց անվտանգ են զգում հենց իրենց երկրում։ Այս հարցը Panorama.am-ն ուղղեց քաղաքացիներին։

«Իհարկե ոչ, ես ինձ անվտանգ չեմ զգում։ Մեր վիճակը լավ չէ, այսպես որ շարունակվի, չեմ պատկերացնում, թե ինչ կարող է լինել մեր վիճակը, օրական վատ լուրեր ենք լսում»,- ասաց քաղաքացիներից մեկը։

«Սա արդեն Հայաստան  չէ է, Հայաստանը վերացված է այս անասունի ձեռքը,  բաց է թողել, որովհետև պետք է Նախիջևանի ճանապարհ տա։ Ոչ պաշտոնապես մեկ-մեկ հողերը տալով տանում է,  Նախիջևան հասցնի»,- նշեց քաղաքացին։

Մեկ այլ քաղաքացի էլ ասաց՝ ինչպես կարող է անվտանգ լինել այն դեպքում, երբ «ամբողջ  Հայաստան թուրք է լցվել»։

Մանրամասն՝ տեսանյութում։