Ձեր վստահելի աղբյուրը

Ուկրաինայի «անհետացման» մասին Դմիտրի Մեդվեդևի գրառումը սահմանափակվել է Գերմանիայում և Լեհաստանում։ Անվտանգության խորհրդի փոխնախագահի քարտուղարությունում «Ռիա Նովոստի»-ին հայտնել են, որ դա անպատասխան չի մնա:

Twitter-ը տեղեկացրել է, որ հրապարակումը թաքնված է այս երկու երկրներում ՝ տեղական օրենսդրության պատճառով:

«Դա անպատասխան չի մնա»,- նշել է Մեդվեդևի օգնական Օլեգ Օսիպովը:

Ապրիլի 8-ին ամերիկյան սոցցանցում Մեդվեդևի էջում հայտնվեց անգլալեզու հրապարակում, որտեղ ԱԽ փոխնախագահը, ինչպես VKontakte-ի իր հրապարակման մեջ, գրում էր, որ Ուկրաինան ոչ մեկին պետք չէ, ուստի այն կվերանա։

Ի պատասխան՝ Twitter-ի օգտատերերը սկսել են հանդիմանոլ սոցցանցի նոր սեփականատեր Իլոն Մասկին՝ Մոսկվայի դեմ «պատժամիջոցները չկատարելու» և «ռուս առաջնորդներին հարթակ վերադառնալու թույլտվության համար»։ Ինքը՝ Մասկը, հետո ասել է, որ մարդիկ պետք է ինքնուրույն որոշումներ կայացնեն՝ կարդալով լուրերը։