Ձեր վստահելի աղբյուրը

«Ողջ հայ ժողովուրդն եկել այստեղ կանգնել է, նախ՝ ինչու աշխատանքի չեք եկել, երկրորդն էլ՝ մենք երեկվանից ձեր պատախանին ենք սպասում, պատասխան չունե՞ք…»,-Քննչական կոմիտեի նախագահ Արգիշտի Քյարամյանին դիմեց զոհված զինծառայողների հարազատների կազմակերպած բողոքի ակցիայի մասնակից , Արցախի հերոս Դավիթ Առուշանյանի մայրը՝ տիկին Լիդա Առուշանյանը և հավելեց. «Թե՞ հայրիկիդ հետ ես պայմանավորվելու, ինքն էլ իր հայրիկի հետ, թե ինչ եք մեզ ասելու»:

Զոհված զինծառայողի հարազատը հորդորեց Քննչական կոմիտեից պատասխանատուները դուրս գան և ծնողներին պատասխան տան:

Հիշեցնենք, որ 44-օրյա պատերազմում զոհված զինծառայողների ծնողները նստացույց են կազմակերպել ՀՀ քննչական կոմիտեի դիմաց՝ պահաջելով վարույթ հարուցել 2022 թ սեպտեմբերի 21-ին Եռաբլուրում զոհված զինծառայողների ծնողների նկատմամբ բիրտ ուժ կիրառած 13 ոստիկանի հանդեպ:

«Գիտեք թե կայծ է՝ բռնկվելու է ու անցնի՞, ոչ: Ձեր պատասխանին սպասելու ենք, հակառակ դեպքում գիտեք, թե ինչ է լինելու: 25-30 տարեկան լակոտ ես, քո երկու տարիքին եմ, քո տատի տարիքին, ինչո՞ւ չես գալիս՝ կոնկրետ իմ հարցի պատասխանը տաս»,-հայտարարեց տիկին Լիդա Առուշանյանը և վրդովված ավելացրեց. «Ձեր հերն եմ անիծել, որ նմանատիպ  պաշտոններ եք զբաղեցրել նման անկարգ տեղներովդ»