Ձեր վստահելի աղբյուրը

Հայաստանյան լրատվամիջոցներում, սոցցանցերում թոփ թեմա դարձավ ոճաբան Արամ Նիկոլյանի կողմից երևանյան բեմում Ադրբեջանի դրոշն այրելը։ Ի դեպ, դահլիճում ներկա է եղել նաև վարչապետի պաշտոնը զբաղեվնող Նիկոլ Փաշինյանը։

«Հայաստան» խմբակցության պատգամավոր, դաշնակցական Գեղամ Մանուկյանը գրում է.

«Արամ Նիկոլյան ջան... նիկոլի աչքի առաջ....»։

Սոցցանցերի օգտատերերի մեծ մասը ողջունում է նրա գործողությունը։

Քաղտեխնոլոգ Կարեն Քոչարյանը գրում է.

«Երկրի ներսում սկսում է ինչ-որ բան եռալ...»։

«Քաղաքացիական գիտակցություն» ՀԿ նախագահ Նարեկ Սամսոնյանը գրել է.

«5 հազարից ավել ընտանիքներ դժբախտացրած երկրի դրոշն այրելը մի բան էլ մեղմ գործողություն է ու, եթե Հայաստանում էս պահին չլիներ ադրբեջանական իշխանություն էդ վիժվածքների դրոշը Երևանի կենտրոնում չէր ծածանվի, իսկ էդ հարամ դրոշն այրողին ոչ մեկ ավելորդ բան չէր ասի:
Կարճ ասեմ՝ լավ ա արել այրել ա!!
Հ.Գ. Էն աննա վարդապետյանին ասեք թող մի հատ թարմ քրեական գործ հարուցի՝ շեֆի շեֆի երկրի դրոշն այրելը արդարացնելու հատկանիշներով»։

Հայտնի պրոդյուսեր Ռուբեն Մխիթարյանը գրում է.

«Կաթսան եռում է: ԱԺ-ը նախագահին փողոցում դիմում են իրեն արժանի «դավաճան» ձևակերպմամբ, վարչապետի վրա անձրևանոց են շպրտում, ադրբեջանցիների աչքի առաջ վառում են իրենց դրոշը: Էս պրոցեսը էլ կանգ չի առնելու: Մարդկանց վախն ու սիտուատիվ պապանձումը անցնում են և վճռականության իմպուլսները ակնհայտ են դառնում: Մոտենում ենք անդառնալիության կետին: Ո՞նց ես, Մելքոնյան Գագո»։

Ռազմավարական հետազոտությունների կենտրոնի հիմնադիր Ալվինա Աղաբաբյանը գրում է.

«Թշնամու հետ՝ ոնց թշնամու, լինի սահմանին, լինի խոսքով, լինի դրոշ այրելով։
Վաղ թե ուշ ապազգային ազդեցությունը ազգային հակազդեցություն էր ծնելու»։