Ձեր վստահելի աղբյուրը

Ադրբեջանի դրոշն Արամ Նիկոլյանի կողմից այրելու արարքի արձագանքները  խիստ տարբեր են։ ոմանք քննադատում են, մյուսներն՝ արդարացնում, մի մասն էլ անհանգստանում է երկրի վարկանիշին հասցված վտանգի համար։

«Քանի դեռ հաշտ եք քաղաքացու ձեռքերը բռնել տվող և դեմքին թքող ԱԺ նախագահ, համաշխարհային ճանաչում ունեցող ստախոս, կիսագրագետ, կապիտուլյանտ վարչապետ ունենալու հետ, պետության հեղինակությունից մի՛ խոսացեք:

Վաղուց այդ հեղինակությունից բան չի մնացել:

հ.գ. իշխող խմբակի կողմից Հայաստանի հեղինակազրկման մի ամբողջ գիրք կարելի է գրել...»,-գրել է ԱԺ նախկին պատգամավոր, հայտնի ըմբշամարտիկ Արսեն Ջուլֆալակյանը։

«Քաղաքացու վրա թքող ԱԺ նախագահ ունեցող երկրի, ո՞ր վարկանիշի անկումից եք անհանգստացել»,-գրել է փաստաբան Վարազդատ Հարությունյանը։

Հիշեցնենք՝ արձագանքելով Ալեն Սիմոնյանի՝ քաղաքացու դեմքին թքելու խայտառակ պատմությանը, ՀՀ առաջին նախագահ Լևեն Տեր-պետրոսյանը մասնավորապես հայտարարել էր.

«Այժմ վերադառնանք Հայաստանի առաջնային մանդատով օժտված միակ ատյանի ղեկավար տխրահռչակ Ալեն Սիմոնյանի աններելի արարքին։ Ի դեպ, աններելին այս պարագայում սոսկ բառ չէ, այլ դրա տակ ենթադրվում է, որ Ազգային Ժողովը, և, առաջին հերթին, վերջինիս «Քաղաքացիական պայմանագիր» խմբակցությունը, ժողովրդի առջև իր վարկը վերջնականապես չկորցնելու համար պարտավոր է նախաձեռնել Ալեն Սիմոնյանի պաշտոնանկության հարցը։ Ես ամենևին չեմ չափազանցում, նրա արարքը մեր պետականության վարկին հասցված ամենամեծ վնասն է, ինչը հնարավոր է վերացնել միայն վերջինիս պաշտոնազրկման գնով։ Սա է միջազգային հանրության առջև մեր ժողովրդի պատիվը վերականգնելու միակ ելքը»։