Ձեր վստահելի աղբյուրը

«2022 թ.-ին ուժի մեջ մտավ գովազդի և հանրային սննդի վայրերում ծխելու արգելքները, նախորդ տարի սկսել ենք ուշադրության կենտրոնում պահել նաև առողջ սննդի հարցերը»,-ԱԺ-ում հայտարարեց առողջապահության նախարար Անահիտ Ավանեսյանը՝ ներկայացնելով կառավարության գործունեության ծրագրի 2022 թ. կատարողականի առողջապահական բաղադրիչը:

Նախարարը հայտնեց, որ այդ ծրագրերի շրջանակներում ձևակերպվել են նախադպրոցական և դպորցական համակարգում երեխաների սննդի հիգիենայի պայմանների պահպանման կարգը և առողջ ապրելակերպի վարքագիծ սերմանելու համար իրականացվել են բազմաթիվ միջոցառումներ՝ հազարավոր մասնակիցներով:

Ըստ Ավանեսյանի՝ այդ նպատակով բուժաշխատողների շրջանում դասընթացներ են կազմակերպվել առողջ սննդի և կենսակերպի մասով և հարյուրավոր բժիշկներ և բուժքույրեր անցել են այս դասընթացները:

«Մարզերում 50-69 տարեկան կանաց շրջանում անցկացվել են 10337 մամոգրաֆիկ- սկրինինգային հետազոտություններ, արդյուքում՝ 98 կնոջ մոտ հաստատվել է քաղցկեղ և ճիշտ ժամանակին իրականացվել է բուժօգնություն՝ առողջացումով»,-հայտարարեց Ավանեսյանը և, նշելով, որ եթե այն չարվեր, ապա այդ կանայք կկորցնեին ժամանակը և հնարավոր է նաև՝ կյանքը, հավելց. «Եթե արձանագրենք, որ տարեկան ունենում ենք 400-ից մի փոքր ավել մահացություն կրծքագեղձի քաղցկեղից, ապա տեսնում ենք, որ 98 հոգու ճիշտ ժամանակին ախտորոշումը և բուժումը ինչպես է փոխում ողջ պատկերը»:

Հայտարարելով, որ իր ելույթի առաջին մասին շեշտը դրել է հիվանդությունների կանխարգելման ուղղությամբ կատարված աշխատանքներին՝ Ավանեսյանն ասաց. «Այլապես մենք միշտ էլ կլինենք հիվանդաբուժության նախարարություն, այլ ոչ թե՝ առողջապահության»:

Նախարարն, անդրադարձավ նաև վերատադրողականության օժանդակ տեխնոլոգիաների օգնությամբ երեխաների ունենալու ծրագրին՝ տեղեկացնելով, որ այն զոհված զինծառայողների ծնողներից բացի ընդլայնվել է այլ շահառուներով և արձանագրեց, որ եթե 2022 թվականին ծրագրից օգտվելու համար եղել է 842 դիմում, իսկ 2023 թվականի առաջին եռամսյակում արդեն կա 1132 դիմում: