Ձեր վստահելի աղբյուրը

Դումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը NSN-ին տված հարցազրույցում ասել է, որ Բաքուն կարող է հրաժարվել  Լեռնային Ղարաբաղում ռուս խաղաղապահ առաքելության գտնվելու ժամկետը երկարաձգելուց ՝ հայերին իրենց պատմական տարածքներից դուրս մղելու անհարկի վկաներից  ազատվելու  համար։ .

«Լեռնային Ղարաբաղում բնակվող հայերը պետք է ընդունեն Ադրբեջանի քաղաքացիություն կամ լքեն տարածաշրջանը, հայտարարել է նախագահ Իլհամ Ալիևը AzTV-ի եթերում։ Ալիեւի խոսքով՝ Բաքուն մտադիր է մոտ ապագայում խաղաղության պայմանագիր կնքել՝ Ադրբեջանի եւ Հայաստանի միջեւ հակամարտությունը դադարեցնելու համար։ Հայաստանի վարչապետ Նիկոլ Փաշինյանն ասել է, որ խաղաղություն հաստատելու համար Հայաստանը պետք է ընդմիշտ հրաժարվի տարածքային հավակնություններից այլ երկրների նկատմամբ»,- նշում է պարբերականը։

Զատուլինը կարծում է, որ Փաշինյանը հանձնել է մարդկանց ու տարածքը։ 

«Հաջորդ գործողությունը կլինի Ռուսաստանի կողմից խաղաղապահ առաքելության ժամկետը երկարաձգելու մերժումը։ Նրանք այնտեղ պետք չեն, որպեսզի դրսից վկաներ չլինեն, թե ինչպես են հայերին վտարում ու հաշվեհարդար տեսնում նրանց հետ»,- ասել է նա։

Զատուլինը ընդգծում է` այդքանով Լեռնային Ղարաբաղի հետ կապված պատմությունը չի ավարտվի, քանի որ Բաքուն արդեն հրաժարվում 1 վիճելի տարածքի ինքնավարության վերաբերյալ իր խոստումներից․

«Հայաստանի իշխանությունը հանձնեց Ղարաբաղը, դավաճանեց Ղարաբաղի բնակիչներին։ Լեռնային Ղարաբաղ անունը կոչնչացնեն, Բաքուն արդեն հրաժարվում է այն այդպես անվանել։ Սա հայ ժողովրդի ողբերգության պատմության շարունակությունն է նոր ձևով, նոր ժամանակում՝ նրա վտարումը պատմական հողերից»,- եզրափակել է նա։