Ձեր վստահելի աղբյուրը

«Հրապարակ» թերթը գրում է.

«Տարբեր մասնագիտական շրջանակներում շարունակում են քննարկել Արամ Նիկոլյանի արարքը։ Մանավանդ այն, որ նա Նիկոլ Փաշինյանի և նրա ընտանիքի անդամների հագուստներն էր կարում և, առհասարակ, կայացած դիզայներ է, եկամտաբեր բիզնես ունի, և ոչինչ չէր դրդում՝ նման քայլի գնալ։

Ինչ վերաբերում է ծանրամարտի առաջնության կազմակերպմանը, ապա Եվրոպայից ժամանած հյուրերը, իրոք, զարմացած են եղել, թե ինչ շքեղ և ծախսատար բացման միջոցառում էր կազմակերպել Հայաստանը։

Մեզ ասացին, որ եվրոպական երկրների մի շարք դեսպաններ ապշել են, թե ինչպես են պատերազմական վիճակում գտնվող, աղքատ ու այսքան խնդիրներ ունեցող երկրում նման թանկ միջոցառում կազմակերպել։ Անգամ համեմատության մեջ նշել են, որ շատ ավելի բարեկեցիկ և հարուստ երկրներում նման կարգի գումարներ օդ չեն նետում Եվրոպայի առաջնության բացումներ կազմակերպելու համար։ Տարակուսել են նաև, թե ուրիշ դեպքերում էլ հայերն ասում են՝ փող չունենք, պետական պարտք են վերցնում, փող են ուզում մեզնից»։

Մանրամասները թերթի այսօրվա համարում