Ձեր վստահելի աղբյուրը

ԿԳՄՍՆ Ա․ Երզնկյանի անվան թիվ 118 ավագ դպրոցը 2023 թ. մայիսի 13-ին կազմակերպում է «Ես բնագետ եմ» խորագրով ամենամյա աշակերտական կոնֆերանս, որին կարող են մասնակցել 7-12-րդ դասարաններում սովորող աշակերտները։

ԿԳՄՍ նախարարության հասարակայնության հետ կապերի եվ տեղեկատվության վարչության հաղորդմամբ,   կոնֆերանսն ընթանալու է երեք փուլով՝ գլխավոր զեկույցներ, զեկույցներ խմբերում, ուսուցողական-փորձարարական։ Գլխավոր զեկույցներով հանդես են գալու տարբեր գիտական, կրթական հաստատություններ ներկայացնող կենսաբաններ, ֆիզիկոսներ և քիմիկոսներ։ Խմբերում զեկուցողները լինելու են ՀՀ դպրոցների՝ կոնֆերանսին հայտագրված սովորողները։

Կոնֆերանսի նպատակն է խորացնել բնագիտական առարկաների գիտելիքները՝ գիտահետազոտական աշխատանքի փորձով, ծանոթանալ գիտական արդի խնդիրներին և դրանց լուծման ժամանակակից մոտեցումներին, նպաստել հանրապետության տարբեր դպրոցներում բնագիտությամբ հետաքրքրվող սովորողների համագործակցությանը, սովորողների շրջանում ձևավորել մեծ լսարանի առջև ելույթ ունենալու հմտություններ, նպաստել հանրակրթություն-գիտություն, դպրոց-բուհ կապերի ամրապնդմանը:

Բոլոր մասնակիցներին տրվելու են մասնակցության վկայականներ, իսկ ընտրված լավագույն ելույթներն արժանանալու են պատվոգրերի և մրցանակների։

Գրանցման հայտ կարելի է ներկայացնել և՛ որպես ունկնդիր, և՛ որպես զեկուցող։ Հայտերի ընդունման վերջնաժամկետը 2023 թ. ապրիլի 25-ն է:

Գրանցումը կատարվում է էլեկտրոնային եղանակով հետևյալ հղմամբ:

Հավելյալ տեղեկությունների համար զանգահարել` +374 10 391 070 հեռախոսահամարով յուրաքանչյուր աշխատանքային օր՝ ժամը 9:00-16:00-ը: