Ձեր վստահելի աղբյուրը

«Ինձ ոչ մեկը Հ1-ից չի հեռացրել, ես այստեղ աշխատել եմ, աշխատում եմ և ոչ մի խնդիր չունեմ»,- այս մասին «Հրապարակի» հետ զրույցում ասել է դիզայներ, ոճաբան Արամ Նիկոլյանը՝ անդրադառնալով այն լուրերին, թե Հանրային հեռուստաընկերությունից փորձում են հեռացնել իրեն:

Ոճաբանը նաև նշել է, որ աշխատանքը բնականոն կերպով շարունակվում է նաև «Արամ Նիկոլյան» հագուստի խանութ սրահում: Նիկոլյանն այլ հարցերի չի ցանկացել պատասխանել՝ նշելով, որ առաջիկայում հանդես է գալու մամուլի հաղորդագրությամբ։

«Այս պահին այլ բան ասել չեմ կարող, առաջիկայում պրես ռելիզ կտարածեմ ու կխոսեմ», - ասել է ոճաբանը:

Հիշեցնենք, որ Երևանում՝ Կ. Դեմիրճյանի անվան մարզահամերգային համալիրում, ապրիլի 15-23-ն անցկացվում է ծանրամարտի Եվրոպայի առաջնություն։ Առաջնության բացման արարողությանը դիզայներ Արամ Նիկոլյան հենց բեմում այրում է Ադրբեջանի դրոշն ու հեռացնում այն։ Դրանից հետո նրան բերման էին ենթարկել, այնուհետև ազատ արձակել։