Ձեր վստահելի աղբյուրը

Ապրիլի 23-ին կկայանա ավանդական դարձած Ջահերով երթը։ Այն կմեկնարկի Հանրապետության հրապարակից ժամը 19։15-ին։ 

«Մեր թշնամիների ծրագրում ոչինչ չի փոխվել, այսօր` ինչպես և 108 տարի առաջ, մեր նկատմամբ կիրառվում է նույն ցեղասպան քաղաքականությունը։ Մենք չպետք է թույլ տանք աշխարհին կարծել, թե մոռացել ենք մեր ազգի նկատմամբ իրականացված ոճրագործությունը:

Ուստի, այսօր այդ քաղաքականությանը ոչ ասելը, ապրելու մեր ցանկությունը բոլորին լսելի դարձնելը, համազգային դիմադրողականության բարձրացումը դառնում է յուրաքանչյուր հայի պարտքը։ Միացիր ջահերով երթին, աշխարհին ապացուցելու ու ևս մեկ անգամ լսելի դարձնելու, որ չենք մոռացել։

Միացի՛ր պայքարին նաև դու,

Մասնակցի՛ր Ջահերով երթին»,- նշված է ՀՅԴ Հայաստանի Երիտասարդական Միության հայտարարության մեջ։ 

Ջահերով երթի երթուղին՝
Հանրապետության հրապարակ – Ամիրյան փողոց – Մ․ Մաշտող պողոտա – Մ․ Բաղրամյան պողոտա – Կիևյան փողոց – Ծիծեռնակաբերդի հուշահամալիր։

Ապրիլի 23-ին Ջահերով երթ կկայանա նաև  Կապան և Հրազդան քաղաքներում, իսկ ապրիլի 24-ին Վեդի, Գյումրի, Իջևան քաղաքներում