Ձեր վստահելի աղբյուրը

Ազգային Ժողովն արտահերթ նիստ է հրավիրել։ Օրակարգի առաջին հարցը վերաբերում է  կառավարության կողմից ներկայացված օրենսդրական փաթեթին։

««Զենքի շրջանառության կարգավորման մասին» օրենքում փոփոխություն և լրացում կատարելու մասին» և «Լիցենզավորման մասին» օրենքում փոփոխություններ և լրացումներ կատարելու մասին» օրենքում փոփոխություն կատարելու մասին» օրենքների նախագծերի փաթեթի երկրորդ ընթերցմամբ քննարկումը կազմակերպել առաջին ընթերցմամբ դրա ընդունումից հետո՝ 24 ժամվա ընթացքում: Նախագծերի վերաբերյալ գրավոր առաջարկները և գլխադասային հանձնաժողովի եզրակացությունը ներկայացնելու համար սահմանել երեքական ժամ»,-նիստի մեկնարկին հայտարարեց ԱԺ նախագահի պաշտոնը զբաղեցնող Ալեն Սիմոնյանը։

ՆԳ նախարարի  տեղակալ Արփինե Սարգսյանը, ներկայացնելով առաջարկվող փոփոխություններն ու լրացումները, ասաց՝ հրատապությունը պայմանավորված է նաև «Զենքի շրջանառության կարգավորման մասին» օրենքում փոփոխություն և լրացում կատարելու մասին»  և հարակից օրենքի, դրանից բխող  ենթաօրենսդրական ակտերի ուժի մեջ մտնելու ժամկետների երկարձգման անհրաժեշտությամբ։

««Զենքի շրջանառության կարգավորման մասին» օրենքում փոփոխություն և լրացում կատարելու մասին» օրենքն ուժի մեջ է մտնելու 2023 թ. ապրիլի 28-ին, ՆԳՆ կողմից մշակվել ու շրաջանառության մեջ են դրվել մոտ 3 տասնյակ ենթաօրենսդրական ակտեր, որոնք վերանայելու ու խմբագրելու անհրաժեշտության կա այս պահին»,-ասաց նա։