Ձեր վստահելի աղբյուրը

«Ոչ պատշաճ շինարարության հետևանք է քաղաքում օդի աղտոտվածությունը։ Դա իր չափաբաժինն ունի։ Պետք է հետևողականորեն այս պրոցեսն առաջ տանենք մինչև այդ մասով բարելավում չունենանք»,- Երևանի քաղաքապետարանի գործակարգավարական խորհրդակցության ժամանակ ասաց  փոխքաղաքապետ Տիգրան Ավինայանը՝ քաղաքում կառուցապատողների, շինարարական աշխատանքների նկատմամբ վերահսկողություն իրականացնելու վերաբերյալ հարցի քննարկմանը։

Նա նշեց, որ հողազավթման, հավելյալ ծավալների, ինքնակամ կառուցման մասին հարցում պետք է շատ խիստ լինել։

«Խոսքը չի վերաբերում ոչ էական շեղումներին, որոնք արդեն  կառավարության որոշմամբ սահմանվել են ու լուծումները կան։ Խոսքը չի վերաբերում, օրինակ, քարտեզային շեղումներին։ Խոսքը վերաբերում է նախագծից նպատակադրված շեղումներին,  հավելյալ ծավալներին, այլ բան կառուցելուն։ Այդտեղ մեր քաղաքականությունը հստակ է։ Բոլոր հնարավոր տեղերում պետք է սա կանխվի, չպետք է  թույլ տրվի, քանի որ տարիների ընթացքում նման մոտեցմամբ՝ թողենք, արդեն կառուցել է, ...  քաղաքը դարձել է այն, ինչ որ կա։

Երևան քաղաքի կենտրոնին նայում ես, աչքերիցդ արյուն է թափում»,- ասաց Ավինյանը։