Ձեր վստահելի աղբյուրը

Հայաստանն ամեն օր բախվում է անվտանգային ու այլ լուրջ խնդիրների։

Որո՞նք են երկրի առջև ծառացած հրատապ խնդիրները, ինչ քայլեր են ձեռնարկվում դրանց լուծման ուղղությամբ։ Panorama.am-ն այս հարցերն ուղղել է քաղաքացիներին։

«Առաջին հերթին Արցախի ու Հայաստանի պաշտպանության խնդիրն է։ Երկրորդը ժողովրդի բարոյահոգեբանական վիճակը, որը կարելի է ասել, անկում է ապրում։ Հաջորդը մեր ապագայի նկատմամբ թարահավատ լինելն է»,-ասում է Panorama.am-ի զրուցակից քաղաքացին՝ ավելացնելով, որ խնդիրների լուծման համար նախ և առաջ պետք է, որ պետական պաշտոններ զբաղեցնողներն ունեն ազգային մտածելկերպ, ինչը չենք տեսնում։

Մեկ այլ քաղաքացի հրատապ խնդիր է համարում ռուսից պրծնելն ու դեպի արևմուտք գնալը։
«Ռուսից պրծնելը, որ գնանք Եվրոպա, մարդ լինենք, ճորտ չլինենք, ես ապրել եմ այնտեղ, տեսել ազատությունը»,-որպես հրատապ խնդիր սա է նշում մեկ այլ քաղաքացի։

«Արտաքին թշնամին, տնտեսությունը։ Խնդիրները լուծելու համար պետք է լինենք ավելի խելացի, քան հիմա ենք»,-ասում է մեկ այլ քաղաքացի։