Ձեր վստահելի աղբյուրը

«Ադրբեջանի ջանքերը Լեռնային Ղարաբաղը վերածելու հայության նոր կառափնարանի, պետք է կասեցվի և սրա միակ հուսալի ճանապարհը միջազգային լայն մանդատ կրող ներկայացուցիչների ներկայությունն է  Լեռնային Ղարաբաղում»,-կառավարության այսօրվա նիստում հայտարարեց Նիկոլ Փաշինյանը և նշեց, որ դրա առաջին քայլը պետք է լինի Լաչինի միջանցք և Լեռնային Ղարաբաղ միջազգային փաստահավաք առաքելության գործուղումը:

Նրա խոսքով՝ Հայաստանից և միջազգային հանրությունից պահանջվում է կոնկրետ և անկեղծ ջանքեր, իրադրության հետագա լարում թույլ չտալու և  համապարփակ կարգավորման հասնելու համար:

Հայտնելով, որ, եթե մինչև վերջերս միջանցքը փակ էր կեղծ բնապահպանական պատրվակով, ապա այսօր պաշտոնապես փակվել է Ադրբեջանի կողմից:

«Սա ոչ միայն տարածաշրջանում լարվածությունը մեծացնելուն, այլև Լեռնային Ղարաբաղում հաստատված հումանիտար ճգնաժամն խորացնելուն ուղղված սադրիչ քայլ է»,-հայտարրեց Փաշինյանը

Նրա կարծիքով՝ միջազգային հանրությունն այս անգամ հստակ գնահատական է տվել ադրբեջանական հսկիչ անցագրային կետի տեղադրմանը:

«Բայց կարևոր է նաև արձանագրել, որ այս և սրան հաջորդած մի շարք գործողությունների իրական և խորքային նպատակն է ԼՂ-ի հայության էթնիկ զտումները և  ցեղասպանության իրականացումը»,-հայտարարեց ՀՀ գործադիր մարմնի ղեկավարը և շեշտեց, որ խնդիրը պետք է լինի  բոլորի՝ նաև միջազգային հանրության ուշադրության առարկան:

Փաշինյանի խոսքով՝ ադրբեջանական հսկիչ անցագրային կետ տեղադրելով ավելի է սրվում առանց այն  է ծանոր հումանիտար իրավիճակը:

Հայտնելով, որ Լաչինի միջանցքում անցագրային կետ տեղադերը 2020 թվականի նոյեմբերի 9-ի եռակողմ հայտարարության 6-րդ կետի կոպտագույն խախտում է՝ նա ասաց. «Առիթ ունեցել եմ ասելու, որ նոյեմբրի 9-ից ի վեր Ադրբեջանը խախտել է եռակողմ հայտարարության, ըստ էության, բոլոր կետերը: Այս ամենի արձանագրումը սակայն պետք է բերի կոնկերտ եզրակացությունների:

Ներկայացնելով Հայաստանի պատկերացումները իրադրության ընդհանուր կարգավորման վերաբերյալ՝ Նիկոլ Փաշինյանը հայտարարեց. «ՌԴ խաղաղապահ զորախումբը պետք է իր վերահսկողության տակ պահի Լաչինի միջանցքը և այսպիսով ապահովի միջանցքի բնականոն գործունեությունը, այսինքը՝  բացի ՌԴ-ից որևէ մեկը Լաչինի միջանցքում չպետք է վերահսկողություն իրականացնի: Ադրբեջանն էլ չպետք է  խոչընդոտի միջանցքով ազատ երթևեկությունը, սա ճշգրիտ այն է, ինչ նախատեսված է 2020 թվականի նոյեմբերի 9-ի եռակողմ հայտարարությմաբ: Լեռանային Ղարաբաղի հայության իրավունքների և անվտանգության հարցը պետք է դառնան Ստեփանակերտի և Բաքվի միջև բանակցությունների առարկա միջազգային ֆորմատի շրջանակներում»:

Գործագիրի ղեկավարը խոսեց նաև հայ-ադրբեջանական հաշտեցման գործընթացի մասին և նշեց. «Հայաստանի և Ադրբեջանի խաղաղության փաստաթուղթը պետք է ունենա իրավունքների երաշխավորման և վեճերի լուծման մեխանիզմենր, հասկանլի և գործուն համակարգ: Հստակ պետք է արձանագրված լինեն սահմանների դելիմիտացիայի պարամետրերը և որևէ էսկալացիա բացառելու հստակ մեխանիզմեներ պետք է ներդրվեն»: