Ձեր վստահելի աղբյուրը

«Նախագծի անհրաշետությունը  պայմանավորված է Ոստիկանության պարեկային ծառայությունում ջրային ստորաբաժանում ստեղծելու համար գործառութային անհրաժաշտ նախադրյալներ ապահովելով, որն իր բնույթով նոր ձեռագիր կապահովի անվտանգ և ապահով Սևանա լիճ ունենալու տեսլականի իրականացման հարցում»,-կառավարության նսիտում հայտարարեց ՆԳ նախարար Վահե Ղազարյանը:

Նա զեկուցեց «Ոստիկանության մասին» և «Տեխնիկական անվտանգության ապահովման պետական կարգավորման մասին» օրենքներում փոփոխություններ և լրացումներ կատարելու մասին օրենքների նախագծերին հավանություն տալու և անհետաձգելի համարելու մասին որոշումը:

Նախարարը հայտնեց, որ ստեղծվող ջրային պարեկները լինելու են ունիվերսալ ծառայություն իրականացնողներ:

«Մասնագիտացված պարեկների  թիմում ընդգրկված պարեկներն, ըստ անհրաժեշտության իրականացնելու են ցամաքային հատվածում Գեղարքունիքի պարեկային ծառայությանը վերապահված այլ գործառույթներ»,-ասաց Ղազարյանը:

Նախագծով կարգավորվում են նավավարների սթափության վիճակի զննության, ոչ սթափ անձանց լողամիջոցն վարելուց մեկուսացնելու, նավերի տեխնիական փաստաթղթերի ստուգման, անհրաժեշտության դեպքում դրանց շահագործումը արգելելու  հարաբերությունները:

«Ջրային պարեկային ծառայության ներդրման պահից Սևանում ապօրինի որսը գործնականում կդառնա անհնարին, ես ուզում եմ, որ այն այսօրվանից մեր սիրելի հայրենակիցներն արձանագրեն և՝ Շրջակա միջավայրի նախարարությունն էլ»,-հայտարարեց Նիկոլ Փաշինյանը: