Ձեր վստահելի աղբյուրը

«Հակառակ միջազգային հանրության կոչերին՝ Ադրբեջանը շարունակում է 2020 թվականի  նոյեմբերի 9-ի եռակողմ հայտարարության դրույթների խախտումները, դա ստորագրումից  ավելի քան 2 տարի անց հրաժարվում է վերադարձնել բոլոր հայ ռազմագերիներին ու  պատանդառված քաղաքացիական անձանց»,- Երևանում Ֆրանսիայի ԱԳ նախարար Կատրին Կոլոննայի հետ համատեղ ասուլիսում հայտարարեց ՀՀ ԱԳ նախարար Արարատ Միրզոյանը։

Նա ընդգծեց, որ չնայած Հայաստանի՝  առկա խնդիրները կառուցողական բանակցությունների միջոցով  լուծելու պատրաստակամությանը՝ Ադրբեջանը շարունակում է  Հայաստանի Հանրապետության ինքնիշխան տարածքի օկուպացիան ու  շարունակական ագրեսիվ գործողությունները, որոնք սադրիչ են և հակասում են Պրահայի և  Սոչիի հանդիպումների արդյունքներով ընդունված հայտարարություններին։

«Հայկական կողմը հավատարիմ է  տարածաշրջանում կայունության հաստատման ուղղությամբ  ջանքների գործադրմանը, այդ նպատակով Հայաստանը շարունակում է  բանակացություններն  Ադրբեջանի հետ հարաբերությունների  կարգավորման պայմանագրի նախագծի շուրջ։

Պետք է ընդգծեմ, որ համապարփակ ու երկարատև կարգավորման համար  առանցքային են բոլոր առկա խնդիրներն առանց ուժի կամ ուժի սպառնալիքի կիրառման  լուծելու հրամայականը  և միջազգայնորեն երաշխավորված երկխոսության ֆորմատի ներքո ԼՂ ժողովրդի իրավունքների և անվտանգության խնդիրների հասեագրումը»,- ասաց Ա.Միրզոյանը։