Ձեր վստահելի աղբյուրը

Արցախի պետնախարար Գուրգեն Ներսիսյանը տեղեկացնում է.

«Ինչպես հայտարարել էինք ավելի վաղ, արդեն երրորդ օրն է, կտրոնային համակարգով նախատեսված ապրանքների զգալի մասը ձեռք է բերվում և մանրածախ վաճառքի կետերին իրացվում է պետության կողմից և կազմակերպմամբ:

Այդ ոլորտում ձևավորված մոտեցումների վերանայման արդյունքները արդեն դրական են գնահատվում մեր քաղաքացիների կողմից, բնակչությանը իրացվում է բարձր որակի ապրանք՝ ողջամիտ գներով:

Հաշվի առնելով, որ պետական և մասնավոր հատվածում ներգրավված մեր քաղաքացիները աշխատանքային զբաղվածության պատճառով մեծ դժվարությամբ էին կարողանում օգտվել կտրոնային համակարգով նախատեսված ապրանքներից, երեկվանից հիշյալ անձանց անհրաժեշտ մթերքներն իրացվում են աշխատավայրերում՝ շրջիկ մեքենաների միջոցով կամ դրանց մոտ գտնվող խանութներում,  գործընթացը կրելու է շարունակական բնույթ»։

Ավելի վաղ արցախցիները սոցցանցերում դժգոհում էին Արցախ հասնող բանաջարեղենի որակից։

Օգտատեր Ալեն Ղուլյանը լուսանարներ էր հրապարակել ու մասնավորապես գրել.

«Ձև բռնած ու էս բարդակի համար պատասխանատու  աթոռապաշտ պաշտոնյաներ..Մի օր ոչ ձեզ տեսանք հերթերում, ոչ էլ ձեր ընտանիքի անդամներին ու համոզված եմ, որ էս կարգի միրգ-բանջարեղեն ձեր տներ չի մտնում ու ձեր երեխաներին հաստատ սրանից չեք տալիս..

Դուք իրոք չե՞ք տեսնում, թե ինչ են բերում էս ժողովրդի համար»։