Ձեր վստահելի աղբյուրը

«Կառավարության 2021-26 թթ ծրագրում գրված է, որ 5 տարիների ընթացքում Արևելյան գործընկերության շրջանակներում ֆինանսական տարատեսակ գործիքներով Հայաստանին հատկացվելիք 2.6 մլրդ եվրոյի ներքո նախատեսված են ծրագրեր, որոնց մեջ է նաև  Հյուսիսի-Հարավ մայրուղու և աջակցող ենթակառուցվածքների կառուցումը»,-խորհրադարանում ՏԿԵ փոխնախարար Քրիստինե Ղալաչյանին դիմեց «Հայաստան» խմբակցության պատգամավոր Արթուր Խաչատրյանը:

Պատգամավորը նշեց, որ չնայած այդ գումարներին՝ կառավարությունը Հյուսի-Հարավի համար խորհրդարան է բերել այլ ծրգրի՝ «Հայաստանի Հանրապետության և Եվրասիական զարգացման բանկի միջեւ «Հյուսիս-հարավ» ավտոճանապարհային միջանցքի շինարարություն (4-րդ հերթ)» նախագծի ֆինանսավորման համար Կայունացման եւ զարգացման եվրասիական հիմնադրամի միջոցներից ներդրումային վարկի տրամադրման մասին» համաձայնագրի թիվ 4 լրացուցիչ համաձայնագիրը վավերացնելու մասին նախագիծը

«Տեսնում ենք, որ այլ վարկի մասին է խոսվում, հիմա ուզում եմ, որ դուք լուսաբանեք, այդ 2.6 մլրդ դոլարից խեր-խաբար կա, թե ոչ»,-հարցրեց Խաչատրյանը:

ՏԿԵ փոխնախարարը հայտնեց, որ  քննարկվող վարկով նախատեսվում է ավարտին հասցնել Ագարակից Քաջարան 33 կմ հատվածի  շինարարական աշխատանքները, իսկ պատգամավորի հիշատակած ծրագրով՝ Սիսիանից Քաջարան 60 կմ հատվածն է կառուցվելու:

«Տիկի՛ն փոխնախարար, այս հեռանկարային ծրագրի մասին, որ խոսում ենք, լավ ենք անում իհարկե, բայց 2021, 2022,2023 թվականները պեչերով որ գումարենք 5 տարուց 2 տարին անցել է, այդ 2.6 մլրդ եվրոյից ցենտ Հայաստանը ստացե՞լ է, թե ոչ»,-կրկին հարցրեց ընդդիմադիր պատգամավորը և չստացավ որոշակի պատասխան: