Ձեր վստահելի աղբյուրը

«Ինչպես աշխարհի շատ երկրներում՝ Հայաստանում ևս նկատում ենք մի ֆենոմեն, երբ կա որոշակի  ապրանքների էական գնանկում, որը հիմնականում մի կողմից պայմանավորված է վարվող դրամավարկային քաղաքականությամբ, մյուս կողմից՝ քովիդից հետո արժեշղթաների վերականգնմամբ և առաջարկի ավելացման գործոններով»,-այսօր հրավիրված ասուլիսում հայտարարեց ԿԲ նախագահ Մարտին Գալստյանը:

Նա հայտնեց, որ ԱՄՆ-ում, ԵՄ-ում, ՌԴ-ում և Հայաստանում տեսանելի է, որ համաշխարհային պարենային գների նվազման արդյունքում գնաճի զամբյուղի մեջ էական կշիռ ունեցող ապրանքների գները որոշակիորեն նվազման միտում են ցույց տալիս:

Մարտին Գալստյանն ասաց, որ գնաճի նվազման երկրորդ պատճառը բազային էֆեկտներն են, քոնի որ անցած արվա ընթացքում երկրում եղել է բավականին բարձր բազա, որի արդյունքում ընթացիկ տարվա ընթացքում գնաճային կոմպոնենտն ապրանքային մասում էապես նվազում է:

ԿԲ նախագահը հայտնեց, որ կառույցն ավելի շատ ուշադրություն է դարձնում ծառայությունների հատվածին կամ կոշտ գներին:

«Այստեղ դեռ կան մի քանի զարգացումներ, որ մեզ բերում են այն մտքին, որ մենք՝ պայքարը գնաճի դեմ դեռևս վերջնականապես չենք հաղթահարել ու հաղթել: Առաջինը՝ արտաքին պահանջարկով պայմանավորված ծառայությունների գների հետևողական աճն է Հայաստանում: Այսինքը, եթե ապրանքների պարագայում մենք տեսնում ենք, որ ունենք գնանկումներ՝ բավականին մեծ, որը շատ կարճ ժամանակահատվածում նույնիսկ բերելու է նրան, որ Հայաստանում ընդհանուր գնաճը լինելու է ավելի ցածր, քան ԿԲ-ի թիրախն է, բայց այնուամենայնիվ, մենք տեսնում ենք, որ ծառայությունների ոլորտում գնաճն ավելի բարձր է քան թիրախը: Մենք 7-8 % ամսական, տարեկան արտահայտված 12 % գնաճ ունենք որոշակի ծառայությունների մասով»,-հայտնեց Գալստյանը և միտումը պայմանավորեց արտաքին ուժեղ պահանջարկով:

Նրա խոսքով, դրան նպաստում է նաև երկրում աշխատավարձերի աճը:

«Աշխատավարձի աճը գերազանցում է, ոչ միայն ՀՆԱ-ի աճի տեմպերն, այլև արտադրողականությանն է էականորեն գերազանցում, ինչն իր մեջ ունի գնաճային էական պոտենցիալ:

Մյուս խնդիրը, որը մեզ թույլ չի տալիս, որ հանգիստ վերաբերվենք գնաճի ֆենոմենին՝ գնաճային սպասումներն են»,-հայտնեց Գալստյանը՝ նկատելով որ չնայած դրանք անցած տարվա մակարդակից նվազել են, բայց այնուամենայինից գնաճային սպասումները շարունակում են մնալ բարձր այն տարիների համեմատ, երբ ԿԲ-ում կարող էին վստահորեն ասել, որ հանրապետությունում կան խարսխված գնաճային սպասումներ:

«Այս երեք գործոնների համարդությամբ ԿԲ-ն որոշեց վերաֆինասնավորման տոկոսադրույքը չփոփոխել և թողնել նույնը: Դա և փոխարժեքը կզսպի արտաքին պահանջարկը և՝  ծառայությունների գնանկում, որը թույլ կտա վերադառնալ ընդլայնողական դրամավարկային քաղաքականությանը»,-ասաց ԿԲ նախագահը: