Ձեր վստահելի աղբյուրը

«Քաղաքացիները կարևոր հարց են բարձրացնում թոշակներ նշանակելու գործընթացում արխիվից պահանջվող որոշ փաստաթղթերի ձեռքբերման հետ  կապված»,-կատռավարության հետ հարցուպատասխանի ժամանակ խորհրդարանում հայտարարեց «Հայաստան» խմբակցության պատգամավոր Արմենուհի Կյուրեղյանը:

Նա հիշեցրեց, որ կառավարությոն 2011 թ.-ի  665 որոշմամբ՝ 1992-2003թթ գյուղացիական կոլեկտիվ տնտեսություններում աշխատելու կամ գյուղատնտեսական հողերի սեփականատեր լինելու ժամանակահատվածը աշխատանքային ստաժում հաշվառվում է սոցիալական վճար կատարելու մասի ծառայության կողմից տված տեղեկանքով կամ այդ փաստը հաստատող վճարման անդորագրի ներկայացման դեպքում:

Կյուրեղյանը հայտնեց, որ շատ քչերն են պահպանել այդ վճարման անդորագրերը և արդյունքում պետք է ծառայության տեղեկանքները ներկայացվեն, որոնք արխիվներին հանձնված գրանցամատյաններում են:

Պատգամավորի խոսքով՝ արխիվների հետ գործարքից խուսափելու համար շատ սոցծառայություններ պահանջում են այդ անդորագրերը ներկայացնեն:

«Քաղաքացին արխիվից պետք է ինչ-որ փաստաթուղթ ստանա, որը պետք է փաստի սոցվճարի առկայության մասին և այն պետք է ստաժի մեջ հաշվարկվի»,-ասաց պատգամավորը և հարցրեց, թե ո՞վ է դիմում արխիվին՝ քաղաքացին, թե սոցիալական ծառայությունը, ի՞նչ ժամանակ է այն պահանջում, քանի որ եթե խախտվի սահմանված 3-ամսյա ժամկետ, ապա քաղաքացին կորցնում է այդ ժամանակահատվածի թոշակը:

Աշխատանքի և սոցիալական ապահովության նախարար Նարեկ Մկրտչյանը հայտնեց, որ այդ փաստաթուղթը պետք է տարբեր թոշակները ձևակերպելու համար և ներկայացվում է միասնական սոցիալական ապահովության ծառայության գրասենյակներ, որպեսզի թոշակի իրավունքը հաստատվի:

Նախարարը հաստատեց, որ հաճախ այդ տեղեկատվությունը պահպանված չէ արխիվներում, կամ թվայնացված չեն:

«Միասնական սոցիալական ծառայության աշխատակիցների զանգերի միջոցով փորձում ենք արագացնել այդ գործընթացը»,-հայտնեց Մկրտչյանը և հիշեցրեց, որ եթե բոլոր պահանջվող փաստաթղթերով է դիմում քաղաքացին, ապա այդ ժամկետ չի համարվում անցած:

Ընդդիմադիր պատգամավորը չհամաձայնեց նախարարի հետ և բերեց օրինակ. «Կուրթան համայնքի բնակիչ Համլետ Խարազյանը նշում է, որ ինքը փետրվարից դիմել է թոշակի ստացման իրավունքի համար, բայց նրա փաստաթղտերի և արխիվում գոյություն ունեցող ինչ-որ փաստաթղթերի համեմատության անհրաժեշտություն է առաջացել և այդ երեք ամիսն լրանում է,  այդ դեպքում ինչ անի այդ քաղաքացին»:

Նախարարաը հայտնեց, որ շատ դեպքերում կեղծվում են տարիներն շարունակ աշխատելու վերաբերյալ այդ տեղեկանքները,  իսկ պատգամավորի հիշատակած մասնավոր դեպքով խնդրեց գրավոր դիմել: