Ձեր վստահելի աղբյուրը

2022 թվականի ընթացքում Հայաստանի Հանրապետությունում արձանագրվել է հանցագործության 37.612 դեպք (2021 թվականին՝ 30.245), որոնցից 21.604-ը՝ Երեան քաղաքում (2021 թվականին՝ 16.438): Նախորդ տարվա համեմատությամբ հանցագործության դեպքերն աճել են 7367-ով կամ 24.45-ով: Ազգային ժողովում հայտարարեց Գլխավոր դատախազ Աննա Վարդապետյանը՝ ներկայացնելով  Հայաստանի Հանրապետության դատախազության 2022 թվականի գործունեության մասին հաղորդումը։

2022 թվականին արձանագրվել է ոչ մեծ ծանրության, միջին ծանրության, ծանր և առանձնապես ծանր հանցագործությունների աճ: Առանձնապես ծանր հանցագործությունների դեպքերի 530-ով աճը պայմանավորված է 482 սպանության դեպքերով, որոնցից 484-ը հանկարծամահության դեպքերն են, որոնք նախկինում որպես հանցագործություն չէին հաշվառվում: Հետնաբար, 2022 թվականին կատարվել է 396 առանձնապես ծանր հանցագործություն, որը 46-ով կամ 135-ով ավել է նախորդ տարվա ցուցանիշից:

Վերլուծությունը ցույց է տալիս, որ 2022 թվականին աճել են հասարակական անվտանգության,
հասարակական կարգի, բնակչության առողջության (2021 թվականին՝ 6356, 2022 թվականին՝ 11.861 կամ 86.695-ով), մարդու (2021 թվականին՝ 4375, 2022 թվականին՝ 6565 կամ 50.156-ով), տնտեսական գործունեության դեմ ուղղված հանցագործությունները:

2022 թվականին նվազել են սեփականության դեմ ուղղված հանցագործությունները (2021 թվականին՝ 15.149-13.902 կամ 8.256-ով): 

2022 թվականի ընթացքում աճ է արձանագրվել մարդու դեմ ուղղված 38 հանցատեսակով: Մարդու դեմ ուղղված հանցագործությունների` ավելացած 2190 դեպքից 484-ը կամ 22 տոկոսը, հանկարծամահության դեպքերն են, որոնցով 2022 թվականի հուլիսի 1-ից առաջ քրեական գործ (վարույթ) չէր հարուցվում: 

Նվազել են մահվան ելքով ճանապարհային երթևեկության կանոնները խախտելու դեպքերը։

Հայաստանի Հանրապետության դատախազության 2022 թվականի գործունեության մասին հաղորդումը՝ այստեղ։