Ձեր վստահելի աղբյուրը

«Հարցս տալիս եմ ոչ միայն որպես պատգամավոր, այլ Բաքվում ծնված մարդ, որի ընտանիքը կյանքի իրավունքի զրկման սպառնալիքով  բռնագաղթել է»,-խորհրդարանում Նիկոլ Փաշինյանին դիմեց ՔՊ-ական Վիլեն Գաբրիելյանը:

Նա տեղեկացրեց, որ մի քանի օր առաջ մի քանի ՀԿ-ներ «Ադրբեջանի ագրեսիաների հին և նոր փախստականները. անցյալը, ներկան և ապագան» խորագրով համաժողով են անցկացրել փախստականների իրավունքների բարձրաձայնման և պաշտպանությանհարցերով, որի ընթացքում ընդունվել է հռչակագիր, որով բարձրաձայնվում է 100-հազարավոր հայ փախստականների իրավունքները:

Պատգամավորը տեղեկացրեց, որ փախստականները և բռնի տեղահանվածները մի շարք միջազգային պայմանագրերով իրենց հայրենիք կամավոր վերադարձի իրավունք ունեն, կամ՝ հայրենիքի այն հատված, որում հնարավոր է ապահովել իրենց ֆիզիկական անվտանգությունը, քաղաքաան և քաղաքացիական իրավունքները:

ՔՊ-ական պատգամավորը հետաքրքրվեց փախստականների բարձրացված խնդիրների մասին կառավարության դիրքորոշումը՝ հարցնելով. «Հայաստանի Հանրապետությունը, որպես պետություն, փախստականների ոտնահարված իրավունքների մասով արդյո՞ք նախատեսում է որևէ ինստիտուցիոնոլ մոտեցում ցուցաբերել, որպեսզի նրանց իրավունքների մասին բարձրաձայնվեն միջազգային ատյաններում»:

Նիկոլ Փաշինյանը պատասխանեց. «Փախստականների բարձրացրած հարցերի ճնշող մեծամասնությունը լեգիտիմ են և պետք է  իրականացվեն»:

Հայտնելով, թե տեղեկացած է, որ համաժողովին հարցեր են բարձրացվել նաև փախստականների թեմայով պետության քաղաքակնության վերաբերյալ՝ նա հիշեցրեց, որ կառավարությունը 2019 թվականին ադրբեջանից բռնագաղթածների համար բնակարանային ապահովան ծրագիր իրականացրեցին:

Ընդունելով, որ կա ինստիտուցիոնալ խնդիրենր՝ Փաշինյանը կարծիք հայտնեց, որ առաջիկայում աշխատանքային հանդիպում կազմակերպելու անհրաժեշտություն կա, որպեսզի ճշտվի նրանց ակնկալիքները պետությունից:

«Մենք գիտենք որ Հայաստանում կան Բաքվի, Սումգաիթի ջարդերի, Ադրբեջանի տարածքում տեղի ունեցած այլ գործողությունների հետևանքով փախստական դարձածներ: Գիտենք, որ ԼՂ-ի և նրա շրջակա տարածքներից փախստականների խնդիրը կա, որն արձանագրված է նաև 2020 թվականի նոյեմբերի 9-ի եռակողմ հայտարարության մեջ»,-ասաց Փաշինյանը և հավելեց, որ համաժողովում ներկայացված են եղել նաև նախիջևանահայության ներկայացուցիչենրը

Հայտարարելով, որ երկար տարիներ պետությունը զբաղվել է փախստականների հումանիտար, սոցիալակն հարցերով՝ Վիլոն Գաբրիելյանը հիշեցրեց, որ կա նաև հարցի քաղաքական և քաղաքացիական համատեքստը՝ իրավունքի տեսանկյունից:

Փաշինյանն էլ հիշեցրեց, որ 2020 թվականի նոյեմբերի 9-ի եռակողմ հայտարարության 7-րդ կետով սահմանված է Լեռնային Ղարաբաղ և հարակից տարածներ փախստականների վերադարձի իրավունքը՝ ՄԱԿ-ի Փախստականների հարցերով գլխավոր հանձնակատարի հովանու ներքո:

«Բայց նաև մենք տեսնում ենք, որ մեր հայրենակիցների այդ իրավունքն մինչև օրս իրականացված չէ, որը թղթի վրա արձանագրված է: Ավելին՝ տեսնում ենք, որ հայաթափված որոշ գյուղեր Ադրբեջանի կողմից բնակեցվում են ադրբեջանցիներով և, ըստ էության, այդ տարածքների հայ բնակչության ունեզրկման գործընթաց է տեղի ունենում»,-հայտարարեց ՀՀ գործադիր մարմնի ղեկավարը: