Ձեր վստահելի աղբյուրը

«Այնպես չէ, որ տարբեր ուղղություններով մեր գնալ-գալու վրա արձանները չեն ազդում: Օրինակ՝ մենք առևեսվո՞ւմ ենք, թե ժամանակին Գարեգին Նժդեհի արձանի տեղադրումն ինչ ազդեցություն է ունեցել: Ես ուզում եմ տեղեկացնել, որ այդտեղ մենք լուրջ հիմնահարցեր ունեցել ենք և շարունակում ենք ունենալ»,-կառավարության հետ հարցուպատասխանի ժամանակ հայտարարեց Նիկոլ Փաշինյանը՝ հավելելով, որ արձանների պատճառով միայն արևմուտքից չէ, որ խնդիրներ է Հայաստանը ստանում:

Նա պատասխանեց «Հայաստան» խմբակցության պատգամավոր Թադևոս Ավետիսյանի դիտարկմանը, որ «Նեմեսիս» գործողության հերոսների արձանի տեղադրումից հետո Թուրքիան միանգամից փակեց վերջերս բացած  օդային սահմանը, այն դեպքում, երբ իշխանությունները նույնիսկ կառավարության ծրագրում ամրագրել են տարածաշրջանում հաղորդակցության ուղիների բացումը և տնտեսական օգուտները:

Նիկոլ Փաշինյանը հայտարարեց, որ պետք է հասկանալ, որ պետությունը ռազմավարական ընտրության առաջ է կանգնած և այդ ընտրությունը հնարավոր չէ առանց սոցիալ-հոգեբանական ոլորտում առերեսվելու և ռեֆլեքսիայի ենթրակվելու:

«Դուք ասում եք՝ այդ արձանը ուշացած էր, իրկ ես հարց եմ տալիս, եթե օրինակ նման արձան ՀՀ-ում չլիներ, ուզում եմ հասկանալ, թե ինչը կտուժեր և ինչ կշահեինք»,-ասաց նա և հավելեց. «Այդ արձանը տեղադրվել է մի պարզ պատճառով, այն եղել է 2020 թվականի դեկտեմբերից 2021թ.ապրիլի շրջաններում կայացած քննարկումների արդյունքում և բոլորը մտածել են՝ այս դավաճանության ընդհանուր տարամաբանության մեջ, բա՞ որ մենք չհամաձայնենք, մեզ կասեն՝ այ դուք դավաճան եք: Մենք բոլորս, ըստ էության, առաջնորդվում ենք մի տրամաբանությամբ՝ էնպես անենք, որ մեզ հանկարծ չասեն, որ մենք դավաճան ենք, բայց մենք իրականում մեր երկրի ազգային և պետական շահերը դավաճանում ենք, անընդհատ, բայց ոչ մեկն այդ վերանգրի տակ չէ: Կարևոր է, որ մենք ալիբի ունենանք, որ դավաճանություն չենք անում, բայց որ խորքային ռազմավարական դավաճանություն ենք անում, դրա մասին ոչ մեկը չի խոսում»:

Փաշինյանն ընդունեց, որ «Նեմեսիս» գործողության արձանի տեղադրման պահով կա պրոբլեմ, բայց այն բոլորի պրոբլեմն է:

«Նրանք, ովքեր մեր ճանապարհները փակում են, ընդհանարպես ոչ մի պրոբլեմ չունեն, կամ եղածներն այդքան խորը չեն»,-ասաց ՀՀ գործադիրի ղեկավարը:

Թադևոս Ավետիսյանը արձագանքեց՝ ասելով, որ եթե ի սկզբանե չեղած բանի վրա որ կառուցվում  է տեսլականը, երբ հարևանը ոչ Շվեդիան է, ոչ էլ Դանիան է, ապա այն իարտեսական չէ և օդային ուղու փակումը դա է փաստում: Պատգամավորը հարցրեց, թե լավ չի հասկանում՝ ինքնիշխան պետության տեսանկյունից արձանը ինչքանով է նպաստել պետության զարգացմանը:

«Եթե մենք պետք է անընդհատ զիջենք, որպեսզի տնտեսական ենթադրյալ օգուտներ ստանանք, կամ՝ չէ, ապա այդպիսի պարագայում ստացվում է հետևյալը՝ Քեմալ փաշայի արձանը կառուցենք՝ թող Թուրքիան մեզ տա արտոնյալ առևտրային ռեժիմ: Այդպես չի լինում, եթե ենթադրաբար նույնիսկ այդպես լիներ, մենք վստահ գիտենք, որ այսօր Թուրքիան կտա և ավելի կխորացնի կախվածությունը, որը ճիշտ ժամանակին և ավելի մեծ ուժով մեզ վնաս հասցնի: Սա է եղել մեր պատմությունը: Ցավոք սրտի, այդպես է»,-հայտարարեց Ավետիսյանը և անթուլատրելի համարեց ռազմավարական շահերի զիջումը Թուրքիայից ապրանքների ներկրման դիմաց, ինչը չի կարող լինել ռազմավարական զարգացման օրակարգ:

Նիկոլ Փաշինյանն էլ ասաց, թե առանց տնտեսության, հնարավոր չէ ոչ մի բան՝ ո՛չ արտաքին քաղաքականութուն, ո՛չ անվտանգություն, ո՛չ բանակ, ո՛չ մի բան:

«Հայաստանի հանրապետությունը երբեք չի առաջնորդվել կամ հիմնականում չի առաջնորդվել տնտեսական շահով, մենք էմոցիոնալ շահով ենք առաջնորդվել, էմոցիոնալ ժողոուրդ ենք, բայց ես կարծում եմ, որ եկել է ժամանակը որ էմոցիոնալ ժողվորդից վերածվենք պետական ժողվորդի:

Այսօր մենք խաչմերուկի առաջ ինչ-որ մի ճանապարհային նշանի տակ կանգնած ենք, ո՞նց կշարժվենք՝  դրանից կախված է, թե մենք պետություն կունենանք թե չենք ունենա»,-հայտարարեց Փաշինյանը՝ չանդրադառնալով այդ իրավիճակին հասնելու պատճառների հարցին: