Ձեր վստահելի աղբյուրը

«Հայ ժողովուրդ, Արցախի ժողովուրդ, դուրս եկեք։ Ես գնալու տեղ չունեմ, պայքարելու եմ մինչև վերջ իմ Հովոյիս արյան համար»,-կառավարության շենքի դիմաց բողոքի ակցիայի ժամանակ հայտարարեց արցախյան երրորդ պատերազմում զոհված զինծառայողի մայրը։

Արցախցի կինն ընդգծեց՝ իր տան դուռը փակ է մնացել։

«Դուռս փակ է մնացել Ստեփանակերտում, տղայիս կորցրել եմ, տունս կորցնում եմ։ Եկել եմ տղայիս նոր տարին ու մնացել եմ Երևանում։ Քեզ ասել եմ՝ գալու եմ քո ամառանոցում ապրեմ Քարին տակի իմ ժողովրդի հետ։ Ճանապարհը բացեք։ Դուրս եկեք մեր դիմաց, մենք անզեն մարդիկ  ենք։ Հարսանիքի օրը որդիս զոհվեց։ Դուք ո՞նց եք ասում, գնացեք, թուրքի հետ ապրեք։ Թուրքը մորթում է մեր զոհված զինվորներին։ Ես միայն իմ տղայի մասին չեմ խոսում։ Ո՞նց անցնեն անցակետով։ Քո ընտանիքի հետ իջի գնա, մենք կգանք»,-հեռակա դիմելով Փաշինյանին՝ ասաց զոհվածի մայրը։

Նա իշխանությանը որակեց փողոցից եկած, որը խոստումներ է տվել ու չի կատարել։

«Ես չեմ ուզում Եռաբլուրը մեծանա, ես չեմ ուզում իմ Արցախը կորցնեմ, իմ տան լույսըն անջատվել է, քո լույսն էլ անջատվի»,-ասաց կինը, ինչին ներկաներն արձագանքեցին «ամեն»։

Նա նշեց, եթե իշխանությունը ցանկանում է թուրքի հետ ապրել, թող գնա ապրի։

«Իմ Հովիկը չկա, ես եմ իր տեղը։ Երկու տարի դուրս չեմ եկել տանից։ Ոստիկաններ ինչի՞ եք կանգնել, մենք որդեկորույս մայրեր ենք, խի՞ եք պաշտպանում դրանց։ Ես չէի սպասում, որ որդի եմ կորցնելու։  Նույնը ձեզ է սպասվում։ Էն Էռատոն, Էռատոն... Դու ո՞նց ես ասում, որ երջանիկ կին չկա։ Ես երջանիկ մայր եմ եղել, դու ինձ էս օրը գցեցիր»,-ասաց նա։