Ձեր վստահելի աղբյուրը

Երեկ Ազգային ժողովի ամբիոնից Նիկոլ Փաշինյանը հայտարարել է. «Ինձ այնքան են ասել դավաճան, որ ես էլ չեմ վախենում, որ ինձ կասեն դավաճան»։

Այսօր լրագրողը հարց է ուղղել Սամվել Վարդանյանին, որին օրեր առաջ Փաշինյանին տեսնելիս «դավաճան» էր բղավել, որից հետո նրան բերման էին ենթարկել, եթե Փաշինյանը դավաճան բառից չի վախենում, այս դեպքում ինչո՞ւ է վախենում այդ բառից Փաշինյանի իրավապահ համակարգը։

«Այդ հայտարարությունը բավականին ծիծաղելի է, որովհետև այդ կոնտեքստում ինձ համար անհասկանալի է նման արձագանքը, երբ այդ բառն ասելուց հետո միանգամից 15-20 կարմիր բերետավորներ, թիկնազորի անդամներ մոտեցան ինձ ու բերման ենթարկեցին։

Կուզեի՝ առիթ լինելու դեպքում այդ հարցն իրեն տրվեր՝ եթե չի վախենում, սովորական է, նորմալ է, անգամ  վիրավորանք չի իր համար՝ ինչո՞ւ են սովորական քաղաքացու հետ նման կերպ վարվում»,- 168.am-ի հետ զրույցում ասել է Ս.Վարդանյանը։

Նա նաև նշել է, որ Նիկոլ Փաշինյանի և իր խունտայի խաղաղության մասին պատերացումն ու հայ ժողովրդի պատկերացումները շատ տարբերվում են իրարից,  չի կարծում որևէ ընդհանուր եզր կգտնվի։