Ձեր վստահելի աղբյուրը

«Խորհրդանշական է, որ Շուշիի ազատագրման պատմական օրը դատարանի դահլիճում են զինվորականներ՝ գեներալ Գրիգորի Խաչատուրովը և Շուշիի ազատագրող հրամանատարներից մեկը Սեյրան օհանյանը»,-Կոռուպցիայի հարցերով դատարանի դմիմաց հայտնեց «Հայաստան» խմբակցության պատգամավոր Գեղամ Մանուկյանը՝ հիշեցնելով, որ նախորդ տարի նույն օրը դատարանի դահլիճում էին Ռոբերտ Քոչարյանը և Յուրի Խաչատուրովը:

Պատգամավորի խոսքով, այն իշխանութունների մոլագարության ցուցանիշն է:

Նա կարծխիք հայտնեց, որ խաղաղության պայմանագիր չի կնքվելու և եթե անգամ ինչ-որ փաստաթուղթ ստորագրվի, ապա այն լինելու է պատերազմի և կապիտուլյացիայի փաստաթուղթ:

«Նախ՝ իշխանության ջանքն է ամեն անգամ «խաղաղություն-խաղաղություն» շրջանառելով մարդկանց մտքերի վրա ազդել, թե իրականում ինչ-որ բան ստորագրվելու է: Ընդդեմ կապիտուլյացիայի այսօր ոտքի կանգնած ցանկացած մարդ այս իշխանությունների կողմից դիտվում է որպես խոչընդոտ, վտանգ, նույնիսկ մահացած մարդիկ են դիտարկվում որպես խոչընդոտ և վտանգ, ինչնպես օրերս «Նեմեսիսի» հուրշարձանի շուրջ քննարկումները փաստեցին»,-ասաց Մանուկյանը՝ պատասխանելով հարցին, թե ինչու են դատվում հայ գեներալները և արդյոք փաստը կապ ունի ստորագրվելիք փաղաղության պայմանագրի հետ:

Նա հայտնեց, որ «Նեմեսիսի» հերոսների արձանի տեղադրման որոշումը Երևանի ավագանին ընդունել է այն ժամանակ, երբ գործող իշխանությունները 180 աստիճանով հակառակ քաղաքականություն էին վարում՝ պետական մակարդակով խոսում էին Թուրքիայի թշնամական, ցեղասպան քաղաքականության, արցախյան 44-օրյա պատերազմում ամբողջական ներգրավվածության մասին, ավելին՝ թուրքական ապրանքների էմբարգոն էր տարածվում և դրա համատեքստում արվեց մի բան, որը հանրության ուշադրությունից դուրս մնաց:

Գեղամ Մանուկյանը նկատեց, որ այն օրը, երբ Չավուշօղլուն խոսում է «Նեմեսիսի» հուշարձանի մասին՝ Էրդողանի մամուլի խոսնակը բառացի ասել է. «Ի՞նչ է, կարծում եք անպատասխան պետք է մնա Թուրքիային ցեղասպանության մեջ մեղադրելը: Մեղադրելու հարցում մենք չէինք կարող լկռել»:

«Այսինքը,  միայն «Նեմեսիսի» հերոսների հուշարձանը չէ, այլ Հայոց ցեղասպանության հանրայնացման, միջազգայնացման, նույնիսկ Հայաստանում հիշատակման դեմ էր թուրքական այդ ջղագրգռությունը»,-ասաց ընդդիմադիր պատգամավորը և վստահություն հայտնեց, որ հայ ժողովուրդը հուշարձանի ապամոնտաժում թույլ չի տա:

Նա տեղեկացրեց, որ խմբակցության պատգամավորներով այցեր են ունենում մարզերում և ուրախությամբ արձանագրել են, որ հանրության մոտ էլեկտրականացվածությունը, լուրջ անհանգստությունը անվտանգության հարցում շատ ցցուն է դարձել վերջին տարիների ֆոնին: