Ձեր վստահելի աղբյուրը

«Միանշանակ ասում եմ, եթե  այդ փաստաթղթի մեջ կա «էթնիկ փոքրամասնություն» հասկացողությունը, նշանակում է, որ քննարկվում է Արցախն Ադրբեջանին հանձնելու մասին և արցախահայությանն էլ դիտարկում են որպես Ադրբեջանի կազմում գոյություն ունեցող էթնիկ փոքրամասնություն»,- Tert.am-ին տված հարցազրույցում ասել է քաղաքագետ Հրանտ Մելիք-Շահնազարյանը՝ խոսելով Միրզոյան-Բայրամով վաշինգտոնյան բանակցությունների մասին։

Նրա գնահատմամբ, սա հայկական կողմի ու հայկական շահի համար աղետալի ձևակերպում և աղետալի զարգացում է։ Ըստ քաղաքագետի, ցանկացած զարգացում ի վնաս Հայաստանի ու Արցախի է։

«Եթե պաշտոնապես հաստատվի Բրյուսելում Փաշինյան-Ալիև հանդիպման լուրը, նշանակում է՝ հանրությանը նորից խաբել են, Վաշինգտոնում ինչ-որ բան համաձայնեցրել են և արդեն կարիք կա երկրների ղեկավարների մակարդակում դա քննարկել»,- ասել է Հրանտ Մելիք-Շահնազարյանը։

Նա հնարավոր է համարում Բրյուսելու փոխըմբռման հայտարարության ստորագրումը՝ փորձելով դրանով ծածկել նոյեմբերի 9-ի, հունվարի 10-ի հայտարարությունները։

Քաղաքագետը նշել է, որ վերջնական ստորագրման դեռ չի սպասում, կարծում է,  ինչ-որ բան ստորագրելու համար սպասելու են Թուրքիայում կայանալիք  նախագահական ընտրությունների ավարտին, հնարավոր է  նաև դրա հետընտրական պրոցեսների ավարտին. «Մինչև այնտեղ կայունություն չլինի, իմ կարծիքով, մեր տարածաշրջանում հանգուցալուծումներ չեն լինելու։

Բայց Ադրբեջանն անելու է ամեն ինչ, որպեսզի հասնի մի կետի, որից հետո հագուցալուծումը տրամաբանական ու պրոադրբեջանական լինի»։

Հարցազրույցն ամբողջությամբ՝ սկզբանղբյուր կայքում։