Ձեր վստահելի աղբյուրը

Իրանում երկու մարդու մահապատժի են ենթարկվել համացանցում աթեիզմ քարոզելու, հակաիսլամական քարոզչության և Ղուրանը այրելու համար: «ՌԻԱ նովոստի»-ին գրում է, որ այդ լուրը հայտնել է իրանական Tasnim գործակալությունը՝ վկայակոչելով երկրի դատական համակարգի մամուլի կենտրոնը։

«Դատավճռի հիման վրա Սադրոլլա Ֆազելի-Զարեհը մահապատժի է դատապարտվել մարգարեին վիրավորելու, հավատուրացության, Մարգարեի մորը հայհոյելու, այրելու միջոցով Ղուրանը պղծելու, սուրբ հասկացությունները վիրավորելու և ուրիշների անձնական լուսանկարները առանց նրանց համաձայնության հրապարակելու մեղադրանքով։  Յուսեֆ Մեհրդադին՝ մարգարեին,  կրոնական և իսլամական հայեցակարգերը վիրավորելու մեղադրանքով... Դատավճիռն իրականացվել է այսօր առավոտյան»,-ասվում է հաղորդագրության մեջ։

Գործակալության տվյալներով՝ Մեհրդադն ու Ֆազելի-Զարեն, օգտագործելով իրանական հեռախոսային և ֆրանսիական վիրտուալ համարները, ստեղծել և կառավարել են համապատասխանաբար 15 և 20 ինտերնետային համայնքներ և ալիքներ, որոնք զբաղվում էին աթեիստական և հակաիսլամական քարոզչությամբ և վիրավորելով մուսուլմանների համար սուրբ հասկացություններն ու անհատականությունները: Հետաքննության ընթացքում, ի թիվս այլ բաների, հայտնաբերվել են տեսաապացույցներ, որոնք ապացուցում են, որ մեղադրյալները այրում են Ղուրանը։