Ձեր վստահելի աղբյուրը

Թուրքիայի իշխանությունները ձերբակալել են 13 մարդու, ովքեր ներգրավված են եղել Էրզրումում նրա նախընտրական հանրահավաքի ժամանակ Ստամբուլի քաղաքապետ Էքրեմ Իմամօղլուի դեմ ագրեսիվ գործողությունների մեջ։ ՏԱՍՍ-ը գրում է, որ այդ մասին երկուշաբթի օրը հայտարարել է հանրապետության արդարադատության նախարար Բեքիր Բոզդաղը։

«Միջադեպի փաստը հետաքննվում է, դատավարությունը շարունակվում է, որոշում է կայացվել կալանավորել դեպքի մեղավորներին, 13 անձ այս պահին կալանքի տակ է։ Թե՛ գլխավոր դատախազությունը, թե՛ տեղական արդարադատության մարմինները հետաքննում են»,- նախարարի խոսքերը մեջբերել է «TRT հեռուստաալիքը։

Բոզդաղը հավելել է, որ իշխանություններն ուսումնասիրում են տեսախցիկների հասանելի կադրերը։ Քննչական բոլոր միջոցառումների ավարտից հետո որոշում կկայացվի խափանման միջոցի վերաբերյալ։ Նա նաև շուտափույթ ապաքինում մաղթեց բոլոր տուժածներին և նշեց, որ նախընտրական քարոզարշավը պետք է շարունակվի առանց նման միջադեպերի և ժողովրդավարական նորմերին համապատասխան։

Միջադեպը տեղի է ունեցել մայիսի 7-ին Թուրքիայի արևելքում գտնվող Էրզրում քաղաքում։ Իմամօղլուն ելույթ էր ունենում հասարակության առաջ, երբ մի քանի հոգի սկսեցին քարեր նետել ամբիոնի և ավտոբուսի վրա, որը բերել էր խոսնակներին։ Քաղաքապետի խոսքով՝ տուժել է 10-15 մարդ։ Այս ագրեսիայի պատճառով նա ինքն էլ հասցրել խոսել ընդամենը 15 րոպե, որից հետո ավտոբուսով հեռացել է տարածքից։ Ավելի ուշ սոցցանցերում հրապարակվեցին այս ավտոբուսի լուսանկարները՝ կոտրված ապակիներով և մարմնական վնասվածքների դրվագներով։