Ձեր վստահելի աղբյուրը

«Հայաստանի համար նախընտրելի է վաշինգտոնյան թրեքը, իսկ Ադրբեջանի համար՝ բրյուսելյան: Ես կարծում եմ՝ Հայաստանի կողմից ինչ-որ չափով զիջում է բրյուսելյան բանակցությունների շարունակությանը մասնակցելը, թեպետ, այն ոչ թե զիջում է, այլ՝ փոխզիջում»,-Հանրային հեռուստաընկերության «Հարցազրույց» հաղորդման ժամանակ ասաց Անվտանգային քաղաքականության հետազոտական կենտրոնի նախագահ Արեգ Քոչինյանը:

Նա տեղեկացրեց, որ բրյուսելյան  հանդիպման մասին տեղեկություն տարածած կենտրոնը հայտնել է, որ լինելու է նաև Մոլդովայում հանդիպում Մակրոնի և Շոլցի մասնակցությամբ:

«Եթե Արդբեջանի համար ավելի նախընտրելի միջնորդ է Շառլ Միշելը, Հայաստանի համար՝ Մակրոնը, ապա մենք ուենք կողմերին բավարարող հանդիպումներ առաջիկայում»,-ասաց քաղաքագետը:

Նա հայտնեց, որ Հայաստանի համար կարևոր պետք է լինի այն, որ ԱՄՆ-ն աննախադեպ մասնակցություն ունի բանակցային գործընթացում:

Հայտնելով, որ վաշինգտոնյան 4-օրյա հանդիպմանը որոշակի արդյունքներ ընկալելը միամտություն կլիներ, Արեգ Քոչինյանը կարծիք հայտնեց, որ ԱՄՆ-ը ցականում է որոշակի էներգիա հաղորդել ԱՄՆ-ի և ԵՄ հովանու ներքո ընթացող բանակցային գործընթացներին:

«Բանակցությունների արդյունքում հնարավոր ստորագրվելիք փաստաթղթի երկարաժամկետ հաջողության  համար հրամայական է  միջազգային երաշխիքները, մասնավորապես կոնկրետ պետության կողմից տրվող երաշխիքները»,-հայտնեց քաղաքագետը:

Նրա կարծիքով՝ վաշինգտոնյան բանակցություններում շոշափելի արդյուքն չի ապահովվել ադրբեջանական առավելապաշտական մոտեցման պատճառով, որը դրսևորվում է Արցախի կարգավիճակի հարցում:

Ադրբեջանը հայտնում է, որ այն իր ներքին գործն է, իսկ միջազգային կենտրոնները, ըստ Քոչինյանի, գտնում են, որ այդպես չէ:

«Ռուսաստանի շահերից չի բխում արցախյան հարցի կարգավորումը և, որպես դրա հետևանք, հայ-թուրքական կարգավորումը՝ մի պարզ պատճառով, որ այն էականորեն նվազեցնելու է մեր տարածաշրջանում և մասնավորապես՝ Հայաստանում  Ռուսաստանի ազդեցությունը: Իսկ Հայաստանի տեսանկյունից հայկական պետականությունը երկարաժամկետ կտրվածքով խիստ կասկածելի ապագա ունի, եթե չեն կարգավորվում հայ-ադրբեջանական և հայ թուրքական հարաբերությունները: Երկրորդ՝ աճելու է Հայաստանի կախվածությունը Ռուսաստանից հայտնեց բանախոսը և հավելեց Ռուսաստանի պլանները Հայաստանի հետ կապված շատ ակնհայտ են, դրանք միութենական պետությունով սկսվում են և  հայաստանի վերջնական ուծացմամբ ավարտվում են»,-հայտարարեց Քոչինյանը: